“ოცნება” ცდილობს ძირი გამოუთხაროს კულტურის მოღვაწეებისა და ჟურნალისტების საქმიანობას  – ამერიკის პენცენტრი

,, უბრალო კოსმეტიკური ცვლილების შემდეგ, “ქართული ოცნება” კვლავ ბიძგს აძლევს კანონს, რათა ძირი გამოუთხაროს დამოუკიდებელი მწერლების, კულტურის მოღვაწეებისა და ჟურნალისტების “სასიცოცხლოდ მნიშვნელოვან” საქმიანობას – ასე ეხმაურება “ე.წ. რუსული კანონის” ხელახლა ინიცირებას pen america

ამერიკის პენცენტრი წერს, რომ კანონპროექტი ხელს შეუწყობს დამოუკიდებელი მწერლების, მხატვრებისა და კულტურის მოღვაწეების სამართლებრივ შევიწროებას

“უბრალო კოსმეტიკური ცვლილების შემდეგ, პარტია “ქართული ოცნება” კვლავ ბიძგს აძლევს ე.წ. უცხოელი აგენტის კანონს, რათა ძირი გამოუთხაროს მწერლების, კულტურის მოღვაწეებისა და ჟურნალისტების სასიცოცხლოდ მნიშვნელოვან და დამოუკიდებელ საქმიანობას. სამარცხვინო კანონპროექტი ამახინჯებს სიტყვების: “გამჭვირვალობა”, “ანგარიშვალდებულება” და “უსაფრთხოება”, მნიშვნელობას, რათა შეასუსტოს საქართველოს ძლიერი სამოქალაქო საზოგადოება.

არ შეცდეთ, ეს კანონპროექტი ხელს შეუწყობს დამოუკიდებელი მწერლების, მხატვრებისა და კულტურის მოღვაწეების სამართლებრივ შევიწროებას. საქართველოს ხელისუფლებამ მათ მიერვე გაცხადებული ევროკავშირის წევრობის მისაღწევად, უნდა გადადგას ნაბიჯები ადამიანის უფლებების, გაუმჯობესების კუთხით და უნდა შეწყვიტოს მწერლების, მხატვრებისა და კულტურის სხვა სფეროს მოღვაწეების დამოუკიდებელი საქმიანობის შეზღუდვის ყოველგვარი მცდელობა,” – ნათქვამია განცხადებაში.