“ქართულმა ოცნებამ” მარნეულში მერობის კანდიდატი შეცვალა. ამირან გიორგაძეს, რომლის ბილბორდები მთელ ქალაქშია გაკრული თეიმურაზ აბაზოვი ჩაანაცვლებს.
გიორგაძე ჩვენთან საუბრისას ამბობს, რომ პარტიის გადაწყვეტილების შესახებ მედიიდან გაიგო:
_ არაფერი ვიცი, ჩემთვის არაფერი უთქვამთ. გავერკვევი და მერე გავაკეთებ კომენტარს, _ აღნიშნა გურია ნიუსთან საუბრისას გიორგაძემ.
_ ბატონო ამირან, პარტიაში უკვე დაგვიდასტურეს, რომ მერობის კანდიდარი აღარ ხართ. თქვენთვის არაფერი უთქვამთ?
_ თუ თქვენ დაგიდასტურეს მე რაღას მეკითხებით. მე არაფერი ვიცი. თქვენგან გავიგე.
_ მიზეზი გვაინტერესებს…
_ არ ვიცი, მართლა არაფერი ვიცი. ჩემთვის არაფერი უთქვამთ.
_ სამომავლოდ რას აპირებთ?
_ მე პარტიის თავმჯდომარე ვარ, ვარ “ქართული ოცნების” მხარდამჭერი და მივიღებ არჩევნებში მონაწილეობს, როგორც პარტიის თავმჯდომარე. ეს არის ჩემი სამომავლო გეგმები ამ ეტაპზე.
_ არჩევნებში მონაწილეობას როგორ მიიღებთ. სიაში ხართ?
_ არ ვიცი, არც ეგ არ ვიცი. ალბათ,სავარაუდოდ, ვიქნები.
_ ბატონო ამირან, ეს თქვენთვის საკმარისია მაშინ, როცა ოფიციალურად დაგასახელეს კანდიდატად, ბანერებიც გააკრეს და ახლა ხსნიან ყოველგვარი ახსნა-განმარტების გარეშე?
_ ჩემთვის საკმარისი ის, რასაც პარტია გადაწყვეტს, _ აღნიშნა “გურია ნიუსთან” საუბრისას გიორგაძემ, რომლის კანდიდატურის მოხსნის მიზეზებზე “ქართულ ოცნებაში” კომენტარს არ აკეთებენ.
აღსანიშნავია, რომ “ქართულმა ოცნება” გასული წლის საპარლამენტო არჩევნების დროს ზუსტად ასე მოექცა თემურ ჭკუასელს, რომელიც პრემიერმა ზარზეიმით წარადგინა, თუმცა წარდგენიდან ერთ კვირაში ისე მოხსნეს, რომ ახსნა განმარტება არავის გაუკეთებია.
იხილეთ სტატია: დილით გაკრული ბანერი, საღამოს მოხსნილი კანდიდატი და გაურკვევლობა შტაბებში
ექსკლუზივი: თემურ ჭკუასელის კანდიდატურა მოხსნილია _ რა მოხდა გუშინ პოლიტსაბჭოს სხდომაზე
ზარზეიმით წარდგენილი და პრემიერის ნაქები კაცი ყოველგვარი განმარტების გარეშე მოხსნეს”
რა შეფასებები მოჰყვა თემურ ჭკუასელის ახალი კანდიდატურით ჩანაცვლებას ლანჩხუთში
ექსკლუზივი: რატომ მოხსნეს თემურ ჭკუასელის კანდიდატურა _ “ფაქტობრივად, მე მოვევლინე მხსნელად”
პრემიერი თემურ ჭკუასელზე: “რა ეტყობა ახლა ამას გადაგდებულის?”
