ოზურგეთში, საკუთარ საცხოვრებელ სახლში ოზურგეთის თოჯინების თეატრის ყოფილი მსახიობი და ადმინისტრატორი, გია ფარსადანიშვილი გარდაცვლილი იპოვეს.
როგორც შინაგან საქმეთა სამინისტროს პრესსამსახურში აცხადებენ, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანიშნულია შესაბამისი ექსპერტიზები. სხვა დეტალები ჯერ უცნობია.
