დღეს, დილიდან ოზურგეთის მარკეტების და მაღაზიების დახლებზე შაქარი ისევ არ ჩანს. ხოლო საცხობებში სასწრაფოდ გაიზარდა ნამცხვრების, ფუნთუშეულის თუ ხაჭაპური ფასი.
გაბრიელ ეპისკოპოსის ქუჩაზე, სატრაპეზო საცხობში, ფენოვანი ხაჭაპურის ფასი, გუშინ სასწრაფოდ 50 თეთრით გაიზარდა და ერთი ცალი ახლა 2,50 ლარი ღირს.
კითხვზე, თუ რატომ გაზარდეს ასე უცებ ფასი, თან 50 თეთრით, როცა ყველის ფასმა დაიკლო, გვითხრეს, რომ მხოლოდ ხაჭაპურის ფასმა მოიმატა. ფქვილი გაძვირდა და ამიტომ მოხდა ფასის მომატება.
გაბრაზებული მოქალაქეები კი გვეუბნებიან, რომ წინასწარ უმატებენ ფასს ყველაფერს, ვიდრე გაძვირება დაიწყებოდეს.
-რა ქვეყანაში ვცხოვრობთ. შაქარი არც დღეს ჩანს დახლებზე, საცხობებში კი ფასები სასწრაფოდ გაიზარდა. ბიზნესია თუ ყაჩაღობა და ძარცვა? ახლა ხალხს აბრალებენ, ბევრი შაქარი იყიდესო. ვთქვათ და იყოდეს. ბევრი და კიდევ მეტი. ფასიც ხალხმა მოუმატა, რიგითმა მომხმარებელმა? ხომ ყველან იცის, რომ არაა შაქრის დეფიციტი. მთავრობა სადაა ამ დროს? არ გვითხრას ახლა ვინმემ, ბიზნსია და ვერ ჩავერევითო. წამლეზეც ასე ამბობდნენ. მერე კი დაიწყეს დარეგულირება. ჯერ ჩვენ არაფერი გვიგრძვნია, მაგრამ მაინც, – გვითხრეს რიგითმა მომხმარებლებმა, ლია მენაბდემ და მაია მამინაშვილმა, რომლებიც პროდუქტის შესაძენად იყვნენ მაღაზიებში გამოსული.
სავაჭრო ცენტრ „მოდერნში“ ასევე დახლებზე არაა შაქარი. აქვე არსებულ საცხობში, საიდანაც ნამცხვარი და ფუნთუშეული გამოაქვთ გასაყიდად, გვითხრეს, რომ ამ დღეებში ფასი არცერთ დასახელბის პროდუქტზე არ გაზრდილა. დღეს აქვთ მხოლოდ დაფასოებული შაქარი, რომელიც ერთი კილოგრამი 4,30 ლარი ღირს და ეს ფასი, კარგა ხანია, არ შეცვლილა.
წულაძის ქუჩაზე არსებულ საცხობში გვითხრეს, რომ მხოლოდ კარტოფილის და კუჭმაჭის ღვეზელს მოემატა ფასი. თან უმნიშვნელოდ.
_მხოლოდ ათი თეთრით გავზარდეთ გამომცხვარი ღვეზელის ფასი. რა ვქნათ? გუშინ ერთი ტომარა პურისფქვილის ფასი 5 ლარით გაიზარდა, – გვითხრეს საცხობში.
მარკეტში „არტ ნინა“ , სადაც საცხობიც იქვეა, გვითხრეს, რომ რაც შაქრის ფასი გაიზარდა, მხოლოდ ზოგიერთი სახეობის ნამცხვარს მოემატა ფასი. ხაჭაპურის ფასი კი იგივეა, რაც იყო აქამდე.
„არტ ნონას“ დახლებზე წინა დღეებთან შედარებით, 20 თეთრით არის გაზრდილი სხვადასხვა ნამცხვრის(„ქადა“, ნაპოლეონი“…) ფასი. მაგალითად ქადა ღირდა 80 თეთრი, დღეს კი 1 ლარია.
დღეს, ოზურგეტში არსებული ფასების (შაქრის, ნამცხვრის, ღვეზელის და ხაჭაპურის ნაირსახეობების) მიხედვიტ თუ ვიმსჯელებთ, ადვილი მისახვედრია, რომ ყველა თავსებურად ზრდის ფასს. მოქალაქეები, რიგითი მომხმარებლებიც სწორედ ამიტომ ბრაზობენ: „ვიღაცეებმა წინასწარ მოიფიქრეს, როგორ გამდიდრდნენ ჩვენს ზურგზე და რაღაც არარსებული დეფიციტი გამოიგონესო“.
[sexy_author_bio]
