დღეიდან დაბა ნარუჯის სკოლის თავზე მწვანე დროშა იფრიალებს და ეკოსკოლის სტატუსით ისარგებლებს. იმის ნიშნად, რომ ამ სკოლებში განსაკუთრებულ მნიშვნელობას ანიჭებენ გარემოსდაცვით განათლებას.
ეკოსკოლების პროგრამას საქართველოში ორგანიზაცია „დავიცვათ საქართველოს სისუფთავე ახორციელებს.
როგორც ორგანიზაციის გურიის კოორდინატორმა ნინო ცეცხლაძემ ჩვენთან საუბრისას აღნიშნა, ეკოსკოლების პროგრამა მდგრადი განვითარების ხელშემწყობი საგანმანათლებლო პროექტია. ის ხელს უწყობს გარემოსდაცვითი თემების შესწავლას საკლასო ოთახში და მის გარეთ – აქტიური ქმედებების, დაკვირვების და კვლევის გზით.
მწვანე დროშის გადაცემის ცერემონიას დაესწრნენ ოზურგეთის მერის მოადგილე გიორგი ღურჯუმელიძე, კულტურისა და განათლების სამსახურის უფროსი ლალი სიჭინავა, ოზურგეთის საგანმანათლებლო რესურსცენტრის წარმომადგენელი ნანიკო ნაცვალაძე. პროგრამა ხორციელდება შვედეთის მთავრობის მხარდაჭერით.
ავტორი
