დღეს ოზურგეთის რაიონულ სასამართლოში გაგრძელდა გიორგი გოგოტიშვილის სასამართლო პროცესი. მას 17 აბი სუბოტექსის შეძენა-რეალიზაციაში ედება ბრალი.
დაკავებულის ოჯახის წევრების თქმით, გიორგი ნარკოტიკები სამართალდამცავებმა ჩაუდეს და ის უკანონოდ ზის ციხეში.
გიორგი გოგოტიშვილის ოჯახის წევრებმა “არა ჩადებას“, “არა ძალადობას“ ამ ლოზუნგებით ოზურგეთის ცენტრში ორჯერ გამართეს აქცია და შესაბამის უწყებებიდან ითხოვდნენ სამართლიან გამოძიებას და გიორგის გათავისუფლებას. აქციის დროს გაჟღერდა ინფორმაცია, რომ გიორგი გოგოტიშვილს ბრალი ასევე ედება პოლიციელების ცემაში, რასაც წარმოუდგენელად მიაჩნიათ ოჯახის წევრებს.
მარი გოგოტიშვილი, გიორგი გოგოტიშვილის და: დღეს გაიმართა გიორგის სასამართლო პროცესი. დღევანდელ პროცესს ჩემი ძმა ესწრებოდა. ასევე პროცესს ესწრებოდა იმ ოთხი პოლიციელებიდან ერთი. პოლიციელმა დავით ირემაძემ ჩვენება მისცა. რაც ჩვენებაში უწერია და რასაც დღეს სასამართლო დარბაზში ვისმენდით როგორც ცა და დედამიწა ისე განსხვავდებოდა ერთმანეთისგან. ხელები უკანკალებდა ისე საუბრობდა. გიორგიმ დაუსვა კითხვები პოლიციელს სად მოხდა მისი დაკავება, (ზუსტად) თუ 40 წუთი არ ემორჩილებოდა, ბახმაროში ცენტრალურ გზაზე როგორ ვერავინ ვერ დაინახა? ამ კითხვაზე პასუხი არ გაუცია, მხოლოდ თქვა არ ვიცი. მხოლოდ დაზეპირებული ტექსტი თქვა და ამით დაასრულა გამოსვლა. შემდეგი პროცესი 21 დეკემბერსაა ჩანიშნული, ვნახოთ შემდეგი მოწმე ვინ იქნება”.
ამავე თემაზე:
“ჩემი შვილი გაიტაცეს”- აქცია ოზურგეთში
[sexy_author_bio]
