6 ივლისს, ოზურგეთის საკრებულოს სხდომაზე, საკრებულოს წევრმა ლავრენტი ბიგვავამ გაახმოვანა საკითხი, ოზურგეთს თეატრის მიმდებარე სკვერისთვის, ცნობილი ოზურგეთელი საზოგადო მოღვაწის, არსენ კეჭაყმაძის სახელის მინიჭების შესახებ.
_ საქართველოს რეგიონული განვითარების და ინფრასტრუქტურის სამინისტროსთან არსებულმა სამთავრობო კომისიამ, ოზურგეთის საკრებულოს ინიციატივას, თეატრის მიმდებარე სკვერს არსენ კეჭაყმაძის სახელი ეწოდოს, თანხმობა განაცხადა. ეს იმას ნიშნავს, რომ აღნიშნულ სკვერს მიენიჭოს სახელოვანი ოზურგეთელი საზოგადო მოღვაწის სახელი, რაც ძალიან კარგი გადაწყვეტილებაა და სასიხარულოა, _ აღნიშნა ლავრენტი ბიგვავამ.
საკრებულომ დადგენილება მიიღო.
ოზურგეთის საკრებულოს თავმჯდომარემ, დავით დარჩიამ, რომელსაც სხდომა მიჰყავდა, აღნიშნა, რომ უმნიშვნელოვანესი გადაწყვეტილება მიიღეს _ ოზურგეთის სახელმწიფო თეატრის მიმდებარე სკვერისთვის ცნობილი ოზურგეთელი მეცნიერის, საზოგადო მოღვაწის არსენ კეჭაყმაძის სახელის მინიჭება არის ნაბიჯი იქითკენ, რომ ქვეყნის სახელოვანი შვილების დავიწყება არასდროს მოხდება.
ავტორი: მარინა ჩიხლაძე
