ა(ა)იპ “ოზურგეთის მუნიციპალიტეტის სკოლამდელი აღზრდის ცენტრის“ დირექტორის მაკა ჭყონიას თქმით, დღეს 17 საბავშვო ბაღში არ დაწყებულა სააღმზრდელო პროცესი.
“ა(ა)იპ ოზურგეთის მუნიციპალიტეტის სკოლამდელი აღზრდის ცენტრი გაცნობებთ, რომ ოზურგეთის რამდენიმე საბავშვო ბაღში, რომელსაც მიეწოდება ბუნებრივი აირი სასწავლო – სააღმზრდელო პროცესი ხვალ არ განახლდება. ეს ბაღებია: ქალაქის N1,N2, N3, N4, N6, N9, ლიხაურის, დვაბზუს, გ/დვაბზუს, ჭანიეთის, ბახვის, სოფელ ოზურგეთის, ბოხვაურის, ლაითური N1 საბავშვო ბაღები. დამატებით ინფორმაციას აუცილებლად გაცნობებთ.“ – ეს ინფორმაცია აღნიშნულმა ა(ა)იპ-მ გუშინ გაავრცელა.
დღეს “გურია ნიუსთან“ საუბრის დროს მაკა ჭყონია ამბობს, რომ ზემო ჩამოთვლილ ბაღებში სააღმრზდელო პროცესი 7 ოქტომბერს უნდა დაიწყოს.
”სოკარის” რეგულაციებიდან გამომდინარე, იმ საბავშვო ბაღებში, რომლებიც მარაგდებიან ბუნებრივი აირით, ვერ მოხერხდა სასწავლო-სააღმზრდელო პროცესის დაწყება. რეგულაციების ერთ-ერთი მთავარი მოთხოვნაა, საბავშვო ბაღების სამზარეულოები იყოს ცალკე შენობაში ან უნდა დამონტაჟდეს ელექტრო გაზქურები. ოზურგეთის მერიამ გააფორმა ხელშეკრულება და მიმდინარეობს მოლაპარაკებები და სამუშაოები”, _ გვითხრა მაკა ჭყონიამ.
რაც შეეხება დანარჩენ სამ ბაღს სოფელ ნაგომარში და დაბა ნასაკირალი დაიწვა ბაღის შენობები და ალტერნატიული შენობების ძიებაშია შესაბამისი სამსახურები, ხოლო სოფელ შემოქმედში ბაღის შენობაში სარემონტო სამუშაოები მიმდინარეობს.
[sexy_author_bio]
