დღეს, ოზურგეთის ფოლკლორის ცენტრში ფოლკლორის ფესტივალი დაიწყო, რომელშიც მონაწილეობას მიიღებენ საქარველოს 12 მუნიციპალიტეტის სალოტბარო სკოლების წარმომადგენლები.
ღონისძიების დაწყებამდე პატივი მიაგეს „ქართული ხმების“ გამორჩეულ სოლისტის, უნიჭიერესი მომღერლის, ტრაგიკულად დაღუპული ზურაბ ბაკურაძის ხსოვნას.
_მინდა დიდი სიხარულით აღვნიშნო, რომ 2019 წლის შემდეგ, ფოლკლორის ფესტივალი კვლავ ფრთებს შლის. განსაკუთრებული მონდომებით ვემზადებოდით ამ დღისთვის, რადგან ასეთ დროს ვიცით, როგორია ბავშვთა ემოციები. ფესტივალი „მომავლის ხმები“ სამი დღის მანძილზე გაგრძელდება. დღეს თქვენს წინაშე გამოვლენ სამტრედიის , ბორჯომის და ხარაგაულის სალოტბარო სკოლების მოსწავლეები, _ მიმართა დარბზში მყოფთ ფოლკლორის ცენტრის წარმომადგენელმა სალომე ცისკარაულმა.
სამტრედიის სალოტბარო სკოლის მოსწავლეებმა, მასწავლებელ ბესო მახათაძის ხელმღღვანელობით შეასრულეს „კუჩხიბედნიერი“და კიდევ რამდენიმე ხალხური სიმღერა.
ამ წუთებში ფოლკლორის ცენტრში ფესტივალის პირველი დღე გრძელდება _ მალე გამოვლენ ბორჯომის და ხარაგაულის სალოტბარო სკოლების წარმომადგენლები.
ავტორი: მარინა ჩიხლაძე
