ოზურგეთში საზოგადოებრივი ორგანიზაციის – ,,ციფრული პროფესიების ცენტრის“ პრეზენტაცია შედგა

ორგანიზაციის დამფუძნებლები არიან: ია თავდიშვილი, მარიკა გაგუა, იმედო მარტიკოვი. ორგანიზაცია შეიქმნა და მიმდარე პროექტი ხორციელდება: HEKS/EPER-ის მიერ დაფინანსებული პროექტის ,,სოციალური ინოვაციების პლატფორმის” ფარგლებში გამოცხადებული საგრანტო კონკურსში გამარჯვების შედეგად.

ოზურგეთში 15 ქალი უფასოდ გაივლიან გრაფიკული დიზაინისა და სოციალური ქსელების მართვის სასწავლო კურსებს

მომხსენებლებმა წარმოადგინეს პრეზენტაცია ორგანიზაციის შექმნის, გუნდის, დონორი ორგანიზაციებისა და დაგეგმილი პროექტის შესახებ. ,,ციფრული პროფესიების ცენტრის” მიზნებს წარმოადგენს: ადამიანური კაპიტალის გაძლიერება რეგიონებში, რაც გულისხმობს თანამედროვე პროფესიების სწავლებას, კარიერული განვითარებისა და დასაქმების ხელშეწყობას. ციფრული პროფესიების განვითარების ხელშეწყობა რეგიონებში; ციფრული პროფესიების შესახებ ცნობადობის ამაღლება და სწავლების დანერგვა; ქალთა ეკონომიკური გაძლიერების ხელშეწყობა; ორგანიზაციის ბაზაზე სოციალური საწარმოს განვითარება; ახალგაზრდების ხელშეწყობა, სოციალური და საგანმანათლებლო პროექტების განხორციელება.

დაფინანსებული პროექტის ფარგლებში მოხდება ციფრული პროფესიების სწავლებისა და დასაქმების სოციალური საწარმოს შექმნა. სოციალური საწარმოს საქმიანობის პროცესში, ოზურგეთში მცხოვრები

15 ქალი უფასოდ გაივლიან გრაფიკული დიზაინისა და სოციალური ქსელების მართვის სასწავლო კურსებს. პროექტის ამ ნაწილის რეალიზაცია დაიწყება 2024 წლის 15 მარტიდან.