ცესკოს სპიკერის, ანა მიქელაძის თქმით, ხმების დათვლის პროცესმა საარჩევნო უბნებზე ჩაიარა კანონის შესაბამისად. საარჩევნო სუბიექტების წარმომადგენლებსა და დამკვირვებლებს შესაძლებლობა ჰქონდათ თავისუფლად დაკვირვებოდნენ ხმების დათვლის პროცესს.
მისივე თქმით, გვიან ღამე ოზურგეთის #59-ე საარჩევნო უბანთან ხმაური იყო.
„ოზურგეთის #59-ე საარჩევნო უბანთან გვიან ღამე ხმაური იყო, რაც მერობის კანდიდატების მხარდამჭერებს შორის ინციდენტმა გამოიწვია, თუმცა სამართალდამცავებმა სიტუაცია განმუხტეს. რაც შეეხება აღნიშნულ უბანზე არჩევნების შედეგების შეჯამებას, პროცესი გვიანობამდე გაგრძელდა, მაგრამ საბოლოო ჯამში შემაჯამებელი ოქმი შედგა და აისახა წინასწარ შედეგებში. აღსანიშნავია, რომ ამ უბანზე შესულია რამდენიმე საჩივარი და თითოეულზე იქნება შესაბამისი რეაგირება საარჩევნო ადმინისტრაციის მხრიდან“, _ განაცხადა ანა მიქელაძემ.
