ოზურგეთის მუნიციპალიტეტის საკრებულოში პირველი ელექტრონული პეტიცია დარეგისტრირდა.
ელექტრონული პეტიციით, რომელსაც ოზურგეთში რეგისტრირებული 338 -ი მოქალაქე აწერს ხელს, ქალაქ ოზურგეთში იაკობ ი.შემოქმედელის ქუჩა #45-ში მდებარე ყოფილი “რაიკავშირის” შენობისა და მის მიმდებარე ტერიტორიის ადგილას კულტურისა და დასვენების პარკის და სპორტული მოედნის მოწყობას ითხოვენ.
“მნიშვნელოვანია, რომ საკრებულოს კიდევ ერთი მიღწევა ინოვაციების დანერგვის თვალსაზრისით – ელექტრონული პეტიცია, აქტიურად ამოქმედდა და ჩვენი თანამოქალაქეები მას კონკრეტული პრობლემების გადაწყვეტის მიზნით იყენებენ. სწორედ ეს არის ის ახალი შესაძლებლობა, რომელიც ოზურგეთლებისთვის კარგი საშუალებაა როგორც წარმომადგენლობითი ისე არმასრულებელი ორგანოების წინაშე აქტიურად დააყენონ ადგილობრივი მნიშვნელობის საკითხები” _ განაცხადა საკრებულოს თავმჯდომარემ დავით დარჩიამ.
ოზურგეთის მუნიციპალიტეტის საკრებულოს პრესსამსახურის ხელმძღვანელის ნათია ზედგენიძის თქმით, მას შემდეგ, რაც საკრებულომ მოქალაქეთა ჩართულობის გააქტიურების მიზნით, პარტნიორ არასამთავრობო ორგანიზაციებთან ერთად ელექტრონული პეტიციის მექანიზმი დანერგა და მის ასამოქმედებლად “თვითმმართველობა განათლებისათვის” ფარგლებში საინფორმაციო კამპანიას ახორციელებს, მოქალქეებმა აქტიურად დაიწყეს ამ მექანიზმის გამოყენება და ადგილობრივი საჭიროებები თვითმმართველობის ორგანოების წინაშე ელექტრონული პეტიციის სახით დააყენეს.
_ აღსანიშნავია, რომ საკრებულომ ელექტრონული პეტიცია არასამთავრობო ორგანიზაციასთან ოზურგეთის პროგრესის სახლი თანამშრომლობით დანერგა და მისი აქტიურად გამოყენების მიზნით წარმომდგენ რეგიტრირებულ ამომრჩეველთა 1%-ი 0.5 %-მდე შეამცირა, _ აღნიშნა ზედგენიძემ.
