“გურია ნიუსის” წყაროს ინფორმაციით, ოზურგეთის რაიონულმა სასამართლომ ქალაქ ოზურგეთის მერიის მიერ 28 თებერვალს ჩატარებული აუქციონის თაობაზე, მოვაჭრეთა მიმართვის საფუძველზე, დავით აღმაშენებლის ქუჩაზე ე.წ გმირთა მოედანზე მდებარე სავაჭრო ჯიხურებს ყადაღა დაადო. სასამართლო დავის დასრულებამდე აღნიშნული ობიექტები ვერ გასხვისდება.აღნიშნული ინფორმაცია მოვაჭრეების ადვოკატმა კახა ჩავლეშვილმა დაადასტურა და აღნიშნა, რომ მისი აზრით, დავა არის პერსპექტიული და მოვაჭრეთა სასარგებლოდ გადაწყდება.
ქალაქ ოზურგეთის მუნიციპალიტეტის მერ ბეგლარ სიორიძე ამბობს, რომ მერიამ აღნიშნული აუქციონი კანონის სრული დაცვით წარმართა. „მერიამ ყველაფერი კანონიერად გააკეთა, აღნიშნული ჩემთვის არ არის ცნობილი, თუმცა სასამართლოს გადაწყვეტილების შესაბამისად ვიმოქმედებთ”.
