ამ დროისთვის ცნობილია ოზურგეთის მუნიციპალიტეტის სოფელ ჯუმათში კორონავირუსზე ჩატარებული ტესტების პასუხების ნაწილი.
როგორც „გურია ნიუსთან“ საუბრისას დაავადებათა კონტროლის ეროვნული ცენტრის გურიის წარმომადგენლობის ხელმძღვანელმა, არჩილ მჟავიამ განაცხადა, ტესტირება სულ 8 ადამიანს ჩაუტარდა და მათგან 6-ს ვირუსი არ დაუდასტურდა.
„ჯუმათში ტესტირება ჩაუტარდა 8 ადამიანს, 6 პიროვნებიდან მოსულია უკვე უარყოფითი პასუხი, დანარჩენი 2 ტესტის პასუხი მოგვიანებით გვეცოდინება“,_ გვითხრა მჟავიამ.
შეგახსენებთ, რომ გურიიდან თბილისში წასულ პირს კორონავირუსი დაუდასტურდა.
ის დაახლოებით ერთი კვირის წინ ჯერ ჯუმათში, შემდეგ კი შეკვეთილში იმყოფებოდა. გამოკვლეული 8 პიროვნება მისი კონტაქტებია. აღნიშნულ პირებს განმეორებითი ტესტირება ჩაუტარდებათ.
