როგორც ცნობილია, 14 ივნისს, შშმ პირთა უფლებების დაცვის დღეა და იგი საქართველოში 2000 წლიდან აღინიშნება.
ამ დღესთან დაკავშირებით, ოზურგეთში, საქველმოქმედო ასოციაცია გურიას“ ინიციატივითა და გურიაში სახელმწიფო რწმუნებულის, მაჟორიტარი დეპუტატის ვასილ ჩიგოგიძის ბიუროსა და ოზურგეთის მუნიციპალიტეტის მერიის მხარდაჭერით, სპორტულ-გამაჯანსაღებელ ცენტრში, შშმ პირთა შორის, გურიის რიგით მეექვსე ჩემპიონატი გაიმართა.
_ შეჯიბრი ჩატარდა ნარდში, შაშში, მკლავჭიდში და მჯდომარე ფრენბურთში.
ღონისძიების მიზანია შშმ პირთა მრავალმხრივი ნიჭის წარმოჩენა დამათი საზოგადოებასთან ინტეგრაცია. ასევე ფსიქო–სოციალური რეაბილიტაცია; შშმ პირთა უფლებების დაცვა. მოხარული ვარ, რომ დღეს ამ არაჩვეულებრივ კვირეულს ვესწრები, თქვენ ხართ ძალიან ნიჭიერი ბავშვები და მადლობა თითოეულ თქვენგანს ასეთი აქტიურობისათვის. მინდა გითხრათ, რომ ჩვენ ყოველთვის თქვენს გვერდით ვართ და ვცდილობთ შესაძლებლობების ფარგლებში ყველაფერი გავაკეთოთ თქვენთვის, _ თქვა შეხვედრაზე ოზურგეთის მუნიციპალიტეტის მერმა, კონსტანტინე შარაშენიძემ შეჯიბრში მონაწილეთა დაჯილდოებისას.
ჩემპიონატს საქართველოს ეროვნული ფრენბურთის ფედერაციის პრეზიდენტი, მჯდომარე ფრენბურთის ფედერაციის დამფუძნებელი გიორგი ქართველიშვილი და გურიის ფრენბურთის ფედერაციის პრეზიდენტი სერგო რობაქიძე დაესწრნენ.
