პაკისტანის უზენაესმა სასამართლომ დაადგინა, რომ ყოფილი პრემიერ-მინისტრის იმრან ხანის დაპატიმრება კორუფციის ბრალდებით ამ კვირაში უკანონო იყო.
სასამართლომ ბრძანა ხანის დაუყოვნებლივ გათავისუფლება. მისი ადვოკატები ამტკიცებდნენ, რომ სამშაბათს ისლამაბადის სასამართლო შენობიდან მისი დაკავება უკანონო იყო.
სულ მცირე 10 ადამიანი დაიღუპა და 2000 დააკავეს მას შემდეგ რაც ქვეყანა ძალადობრივმა საპროტესტო აქციებმა მოიცვა.
სამშაბათს დაკავებამ მას და სამხედროებს შორის მზარდი დაძაბულობა გამოიწვია.
ყოფილმა კრიკეტისტმა უთხრა მოსამართლეებს, რომ იგი გაიტაცეს უზენაესი სასამართლოდან და “ჯოხები ურტყეს”.
კადრებში ნაჩვენები იყო, რომ გასამხედროებულმა ძალებმა ხანი, სასამართლოს შენობიდან ჯავშანმანქანამდე ათრიეს.
პაკისტანის Tehreek-e-Insaf (PTI) პარტია ამბობს, რომ მის წინააღმდეგ საქმეები პოლიტიკურად მოტივირებულია. დაკავებამ მისი მხარდამჭერები აღაშფოთა – ბოლო 48 საათის განმავლობაში იყო ფართო ძალადობა და იშვიათი თავდასხმები სახელმწიფო და სამხედრო ობიექტებზე.
დაკავებულთა შორის არის PTI-ს შვიდი ლიდერი. მათ შორისაა საგარეო საქმეთა ყოფილი მინისტრი შაჰ მაჰმუდ ყურეში, რომელიც პოლიცია ამბობს, რომ “ძალადობას უწყობდა ხელს”. განცხადებაში ბატონმა ყურეშიმ უარყო ეს და მოუწოდა მხარდამჭერებს გააგრძელონ მშვიდობიანი საპროტესტო აქციები.
ხანი თანამდებობიდან გადააყენეს პრემიერ მინისტრად ყოფნის ოთხი წლის განმავლობაში.
ბევრი ანალიტიკოსი თვლის, რომ ხანის არჩევნებში გამარჯვება 2018 წელს მოხდა სამხედროების დახმარებით. მაგრამ მას შემდეგ რაც ის გააძევეს, ის გახდა სამხედროების ერთ-ერთი ყველაზე ხმამაღალი კრიტიკოსი.
2022 წლის ნოემბერში, ხანს საპროტესტო მსვლელობისას ფეხში ესროლეს. მან თავდასხმის განხორციელებაში დაზვერვის მაღალჩინოსნები დაადანაშაულა – რასაც სამხედროები კატეგორიულად უარყოფენ.
