ოზურგეთის ალექსანდრე წუწუნავას სახელობის დრამატული თეატრის მცირე სცენაზე ჟურნალისტის და თეატრმცოდნის ქეთევან კუკულავას რეჟისორობით “პანდემიის“ ჩვენება შედგა.
ეს არის მონო–სპექტაკლი, სადაც მინაწილეობს ჩოხატაურის მუნიციპალიტეტის სოფელ ჩაისუბანის საჯარო სკოლის მე-12 კლასის მოსწავლე მარიამ შარაშენიძე. მან 35 წუთის განმავლობაში წარმოადგინა მარტოხელა მსახიობი ქალის ერთი მონაკვეთი პანდემიის პერიოდში. ის მსახიობია, რომელიც პანდემიის დროს წერს პიესას და დადგამს სპექტაკლს, რომელიც ონლაინ რეჟიმში გადაიცემა. ახალგაზრდა მსახიობმა კარგად დაანახა და გაგვახსენა ის პერიოდი, თუ რა მდგომარეობაში ვიყავით კორონავირუსის დაწყების დროს.
ოზურგეთელმა მაყურებელმა სპექტაკლი მოიწონა და ოვაციები არ დაიშურა სპექტაკლის დასასრულს.
ქეთევან კუკლაძის თქმით, ამ პატარა სპექტაკლით კიდევ ერთხელ ითქვა, რომ ადამიანებისთვის გასაჭირის დასაძლევად მნიშვნელოვანია გვერდით დგომა და ერთმანეთის სიყვარული.
“როგორც მოგეხსნებათ ჩოხატაურში არსებობს კუტურის ცენტრთან არსებული ბავშვთა და ახალგაზრდული თეატრალური დასი. ის შეიქმნა არასამთავრობო ორგანიზაცია ,,ქალები ქალებისთვის” მხარდაჭერით და სწორედ ამ ორგანიზაციის ინიციატივით დაიდგა ეს სპექტაკლი, “_ გვითხრა ქეთევან კუკულავამ.
სპექტაკლი დადებითად შეაფასა ოზურგეთის საგანმანათლებლო რესურსცენტრის უფროსმა ლელა იმედაშვილმა.
“მინდა წარმატებები ვუსურვო ახალბედა მსახიობს მარიამ შარაშენიძეს. ჩემთვის ძალიან სასიხარულოა, რომ სკოლის მოსწავლეები ჩართულები არიან მსგავს ღონისძიებებში“, _ თქვა ლელა იმედაშვილმა.
თეატრის სამხატვრო ხელმძღვანელის ვასილ ჩიგოგიძის თქმით, ყველაზე რთულია 18 წლის ასაკში მონო სპექტაკლში ითამაშო.
მან თქვა, რომ მისასალმებელია, როდესაც ახალი თაობა დაინტერესებულია თეატრით და თამაშობენ სპექტაკლებში.
ცნობისთის, ბოლო პერიოდში ქეთევან კუკულავას რეჟისორობით ოზურგეთში უკვე მეორე სპექტაკლის ჩვენება გაიმართა.
ავტორი
