შარშან, 21 მაისს, ჩოხატაური ორმა ტრაგედიამ შეძრა. ჯერ, 26 წლის ავთო კალანდაძის საზარელი მკვლელობის ამბავი ექოსავით მოედო ჩოხატაურს. ძნელი გასააზრებელი იყო ავთოს არყოფნა ყველასთვის, ვინც მას იცნობა, ვისაც ერთხელ მაინც ჰქონია ურთიერთობა მასთან, ვისაც ერთხელ მაინც მოუსმენია მისი ნამღერისთვის, ვისაც მისი “გაშლილი ხელი” და ლამაზად შესრულებული ქართული ცეკვა უნახავს და უცებ, მეორე ისეთივე შემზარავი მკვლელობის ამბავი _ 29 წლის ილია ჯიბლაძეს საკუთარმა მამამ სასიკვდილო ჭრილობა მიაყენა. დაჭრილი ბიჭი საავადმყოფოში მიყვანიდან რამდენიმე წუთში გარდაიცვალა.
“დღე, რომელმაც მთელი ცხოვრება ამოაყირავა”; “ყველაზე საზარელი დღე ჩემს ცხოვრებაში”; “დღე, რომელიც გვანგრევს და გვანადგურებს”; “მოუშუშებელი ჭრილობა ხარ, ძმაო”; “არასოდეს დაგივიწყებ”, _ წერენ მოკლული ბიჭების მეგობრები სოციალურ ქსელში.
