“პატენტრწმუნებულთა შესახებ“ კანონპროექტი პარლამენტმა მესამე მოსმენით მიიღო

პარლამენტმა „საქართველოს პატენტრწმუნებულთა შესახებ“ კანონპროექტი 80 ხმით, მესამე მოსმენით მიიღო.

კანონპროექტით რეგულირდება საქართველოს პატენტრწმუნებულის საკვალიფიკაციო მოთხოვნების, მისთვის კვალიფიკაციის მინიჭებისა და რეგისტრაციის წესთან დაკავშირებული სამართლებრივი ურთიერთობები. ასევე წესრიგდება პატენტრწმუნებულთა საკვალიფიკაციო გამოცდასთან, პატენტრწმუნებულთა რეესტრთან, პატენტრწმუნებულთა ასოციაციასთან და დისციპლინურ წარმოებასთან დაკავშირებული საკითხები.

კანონპროექტიდან გამომდინარე ცვლილება შედის „საქართველოს საპატენტო კანონში“ და „მეწარმეთა შესახებ“ საქართველოს კანონში“, რომელიც ითვალისწინებს აღნიშნული კანონების შესაბამისობაში მოყვანას საკანონმდებლო პაკეტით წარმოდგენილ „საქართველოს პატენტრწმუნებულთა შესახებ“ საქართველოს კანონის პროექტთან.

საკანონმდებლო პაკეტი სხდომაზე მთავრობის საპარლამენტო მდივანმა, ვახტანგ ბაჩიაშვილმა წარადგინა.