“ფეისბუქმა” კოკა ყანდიაშვილის მიერ შექმნილ “ესპერსონასთან” და “ნაციონალურ მოძრაობასთან” დაკავშირებული გვერდები გააუქმა – ამის შესახებ ფეისბუქისა და ატლანტიკური საბჭოს მკვლევარების მიერ გამოქვეყნებულ დასკვნაშია ნათქვამი.
კომპანია FACEBOOK-მა 2020 წლის აპრილის ანგარიში, გუშინ გამოაქვეყნა, სადაც საუბარია არაავთენტური ქმედებების გამო წაშლილი სოციალური ქსელების ანგარიშებისა და გვერდების შესახებ. აღსანიშნავია, რომ ანგარიშში რუსეთთან, ირანთან, აშშ-თან, მავრიტანიასა და მიანმართან ერთად, საქართველოც არის ნახსენები.
უფრო კონკრეტულად კი, FACEBOOK-მა ონლაინ გამოცემა ESPERSONA-სთან დაკავშირებული 511 FACEBOOK გვერდი, 101 ანგარიში, 122 ჯგუფი და INSTAGRAM-ის 56 ანგარიში წაშალა.
FACEBOOK-ის ანგარიშში ნათქვამია, რომ გარკვეული ჯგუფები აღნიშნულ მედია პლატფორმას იყენებდნენ საზოგადოების ფართო მასებამდე ინფორმაციის გასავარცელებლად და ამისთვის იყენებდნენ ყალბ ანგარიშებს.
ზოგიერთ შემთხვევაში აშკარად ჩანდა, რომ ჯგუფები ნაყიდი იყო და მათ სახელი ჰქონდათ შეცვლილი. ამასთანავე ანგარიშების ნაწილი ჰგავდა ადამიანების ანგარიშებს, რისთვისაც გამოყენებული იყო კონკრეტული პირების ფოტოსურათები, რათა ისინი FACEBOOK-ს არ დაებლოკა.
ანგარიშში ასევე აღნიშნულია, რომ გვერდების მოდერატორები სისტემატურად პოსტავდნენ ადგილოვრივი პოლიტიკური სიახლეებისა თუ არჩევნების შესახებ. ბოლო პერიოდში კი მოცემული ანგარიშები განსაკუთრებით ხირად წერდნენ კორონავირუსის შესახებ. FACEBOOK-მა ამ ახალი ამბების ნაწილი წაშალა, რადგან ისინი შეიცავდნენ დეზინფორმაციას და ეწინააღმდეგებონდნენ კომპანიის შინაგანაწესს
“ადამიანები, რომლებიც ამ არაავთენტური აქტივობების უკან დგანან, ფეისბუქის ყალბ ანგარიშებს იყენებდნენ — მათი ნაწილი ჩვენმა ავტომატურმა სისტემამ რამდენიმე თვის წინ აღმოაჩინა და წაშალა — ისინი იყენებდნენ ოპოზიციის წევრებისა და ჯანდაცვის სფეროს წარმომადგენლების იდენტობას, მართავდნენ ჯგუფებსა და გვერდებს და კონტენტს იმაზე პოპულარულად წარმოაჩენდნენ, ვიდრე რეალურად იყო. ამ ჯგუფების ნაწილი შეძენილი ჩანს, ისინი დროდადრო იცვლიდნენ სახელსა და ადმინისტრატორებს. ამ ქსელის მიღმა არსებული ადამიანები ასევე მართავენ გვერდებს, რომელთა დიზაინიც გაფიქრებინებთ, რომ ისინი ნამდვილი პიროვნებები არიან, სინამდვილეში კი გამოგონილი სახელები და სურათების საიტებიდან აღებული ფოტოები ჰქონდათ გამოყენებული. ისინი საკუთარ კონტენტის შესანიღბად სხვადასხვა გზას იყენებდნენ, რათა წაშლის რისკი შეემცირებინათ. გვერდების ადმინისტრატორები და ანგარიშების მფლობელები უმეტესად აქვეყნებდნენ სიახლეებს პოლიტიკურ პროცესებზე, არჩევნებზე, მთავრობის გადაწყვეტილებებზე. ამასთან ერთად, აკრიტიკებდნენ ოპოზიციას, ჟურნალისტებსა და ადგილობრივ აქტივისტებს. ბოლო დროს, ეს პროფილები აზიარებდნენ საზიანო დეზინფორმაციის შემცველ პოსტებს COVID-19-ზე, რომლებიც დროულად წავშალეთ, რადგან ჩვენს წესებს ეწინააღმდეგებოდა.
იმის მიუხედავად, რომ ამ ოპერაციის უკან მდგომი ადამიანები ცდილობდნენ საკუთარი იდენტობის დამალვას, ჩვენმა გამოძიებამ ESPERSONA-სთან მიგვიყვანა – ესაა ქართული მედია, რომელიც ჩვენი პლატფორმებიდან დაიბლოკა.”- ნათქვამია ,,FACEBOOK” განცხადებაში.
შეგხსენებთ, რომ პირველი შემთხვევა არ არის, როდესაც ფეისბუქი არაავთენტურ ან კოორდინირებულ ქმედებაში შენიშნულ ანგარიშებს ბლოკავს. აქამდე ორგანიზაციამ მმართველ გუნდთან _ “ქართულ ოცნებასთან” და სარეკლამო ორგანიზაცია _ “პანდასთან” დაკავშირებული ასეულობით ანგარიში და გვერდი წაშალა.
ფეისბუკმა 400-ზე მეტი ყალბი ანგარიში ჯერ კიდევ გასული წლის 20 დეკემბერს გააუქმა.
