სამყარო მეტად მრავალფეროვანია და ყველას გვაინტერესებს, თუ რა იმალება ამ სილამაზის უკან. ამ სტატიაში, რომელიც მომზადებულია www.bestlifeonline.com– ის მიხედვით, წარმოდგენილია რამდენიმე საინტერესო ფაქტი, რომლებიც შეგიცვლით წარმოდგენას სამყაროზე.
- კლიმატის ცვლილება ყვავილების ფერის ცვლილებას იწვევს
არ ინერვიულოთ, თქვენი საყვარელი წითელი ვარდები ერთ დღეში იასამნისფერი არ გახდება, მაგრამ ულტრაიისფერი სხივების ზრდამ ოზონის შრის დაზიანების გამო ბოლო ათწლეულების განმავლობაში ყვავილების ფერის შეცვლა გამოიწვია. 2020 წელს ჩატარებულმა კვლევამ, რომელსაც კლემსონის უნივერსიტეტის მეცნიერები ხელმძღვანელობდნენ, დაადგინა, რომ ყვავილებში UV პიგმენტაცია დროთა განმავლობაში გაიზარდა, რამაც მათი მტვრის შემცირება გამოიწვია. მიუხედავად იმისა, რომ ჩვენ ამ ცვლილებას შეუიარაღებელი თვალით ვერ ვამჩნევთ, მეცნიერთათვის ეს მოვლენა საკმაოდ შესამჩნევია.
- სტომატოლოგი – უძველესი პროფესია მსოფლიოში
ერთ-ერთი კვლევის შედეგებით გაირკვა, რომ აღმოჩენილ თავის ქალებში არსებობს კბილების გაბურღვის კვალი, რომელიც 7500-9000 წლით თარიღდება. იტალიაში არსებულმა ბოლონიის უნივერსიტეტმა დაადასტურა, რომ თავის ქალაზე, რომელიც 14,000 წლით თარიღდება, აღმოჩენილია განზრახ გახეხილი უვარგისი კბილი. ეს ფაქტი კი მეტყველებს სტომატოლოგიის არსებობაზე.
- ყოველ წამს მსოფლიოში დაახლოებით 4 ბავშვი იბადება
ჩვენ ყოველ წამს ახალ სიცოცხლეს ვეგებებით დედამიწაზე. თუ ცოტა მათემატიკასაც გამოვიყენებთ, გავიგებთ, რომ ამ მონაცემებით ერთ წუთში 250 ბავშვი იბადება, ერთ საათში 15 000, ხოლო ერთ დღეში 350 000.
- არსებობს ვებსაიტი, რომელიც მსოფლიო პოპულაციას პირდაპირ რეჟიმში აჩვენებს
2021 წლის მონაცემებით, დედამიწაზე დაახლოებით 7.8 მილიარდი ადამიანი ცხოვრობს. მათი რიცხვი ნელ-ნელა იზრდება. თუ გინდა, რომ ამ ცვალებადობას თვალი ადევნო, მაშინ გადადი ვებსაიტზე: მსოფლიო პოპულაციის საათი. ვებსაიტი აჩვენებს, თუ რამდენი ბავშვი იბადება ერთ წამში და იმასაც, თუ რამდენი ადამიანი კვდება. გარდა ამისა, ვებსაიტზე შეგიძლიათ იხილოთ პოპულაცია სხვადასხვა ქვეყნებში.
- ჩინური – ენა, რომელზეც ყველაზე მეტი ადამიანი საუბრობს
როცა ყველაზე გავრცელებულ ენაზე იწყება საუბარი, სავარაუდოდ, თქვენც ინგლისური ენა გახსენდებათ. რადგან ის მსოფლიო მასშტაბით საკმაოდ ფართოდაა გავრცელებული. მიუხედავად ამისა, მსოფლიოში ყველაზე მეტი ადამიანი საუბრობს ჩინურ ენაზე. კვლევების მიხედვით, დაახლოებით 950 მილიონი ადამიანისთვის ჩინური პირველი ენაა, ხოლო დამატებით 200 მილიონისთვის, მეორე ენა. ეს არის მსოფლიოში ყველაზე პოპულარული ენა, რომელსიც ოდესმე არსებულა.
[sexy_author_bio]
