ფინეთის საგარეო საქმეთა მინისტრმა, პეკა ჰავისტომ NATO-ში გაწევრიანების დოკუმენტს ხელი ოფიციალურად მოაწერა. ცერემონია NATO-ს შტაბბინაში ჩატარდა.
ჰაავისტომ აღნიშნა, რომ ეს ისტორიული მომენტია. მისი თქმით, პროცესის პარალელურად, თურქეთი აშშ-ს სახელმწიფო მდივანს აძლევს ფინეთის NATO-ში შესვლის რატიფიცირების გადაწყვეტილებას.
ხელმოწერის შემდეგ, NATO-ს გენერალურ მდივანს, იენს სტოლტენბერგს შეუძლია ფინეთი ორგანიზაციაში ოფიციალურად მოიწვიოს.
დოკუმენტზე ხელის მოწერას პოლონეთის პრემიერ-მინისტრი, მატეუშ მორავეცკი Twitter-ზე გამოეხმაურა, რომელმაც დაწერა, რომ ფინეთი უკვე NATO-ს წევრია.
“ფინეთი უკვე NATO-შია! გილოცავთ! დღეიდან, ალიანსს 31 ქვეყანა ჰყავს. ძლიერი პარტნიორობა პოლონეთის, რეგიონისა და მთელი მსოფლიოს უსაფრთხოების გარანტიაა”, – წერს მორავეცკი.
რამდენიმე საათში კი NATO-ს შტაბ-ბინის ტერიტორიაზე ალიანსის წევრი ქვეყნების დროშებს შორის ფინეთის დროშის აღმართვის დასკვნითი ცერემონიალი გაიმართება.
თურქეთის პარლამენტმა ფინეთის NATO-ში შესვლას მხარი ერთხმად დაუჭირა. რატიფიკაციის პროცესი მას შემდეგ ჩატარდა, რაც გასულ კვირაში თურქეთის პრეზიდენტმა, რეჯეფ თაიფ ერდოღანმა გამოაცხადა, რომ ჰელსინკის ჩრდილოატლანტიკურ ორგანიზაციაში გაერთიანებაში მხარს დაუჭერდნენ.
ფინეთმა და შვედეთმა NATO-ს წევრობის შესახებ განაცხადი გასულ წელს, რუსეთის მიერ უკრაინაში შეჭრის შემდეგ შეიტანეს. პროცესს თურქეთი და უნგრეთი აჭიანურებდნენ.
თურქეთი შვედეთის NATO-ში გაწევრიანებისგან თავს იკავებს მიზეზით, რომ სტოკჰოლმი მფარველობს ეთნიკური ქურთების ჯგუფებს, რომლებიც ანკარას ტერორისტულ ორგანიზაციებად ჰყავს გამოცხადებული.
ავტორი
