“დღეს შევიტანეთ სარჩელი ნიკა გვარამიას და “მთავარი არხის” წინააღმდეგ, იმ დეზინფორმაციის შესახებ, რომელიც ემსახურებოდა ჩემი ღირსებისა და პატივის შელახვას“,_ამის შესახებ ფოთში , ,,ქართული ოცნების” მერობის კანდიდატმა, ბექა ვაჭარაძემ ბრიფინგზე განაცხადა.
,,დღეს შევიტანეთ სარჩელი ნიკა გვარამიას და მთავარი არხის წინააღმდეგ, იმ დეზინფორმაციის შესახებ, რომელიც ემსახურებოდა ჩემი ღირსებისა და პატივის შელახვას. საქმე ეხება მთავარ არხში გაჟღერებულ ცრუ ინფორმაციას ჩემი აგენტობის შესახებ, რაზეც ჩვენ ვითხოვთ, რომ მოხდეს იმავე გადაცემაში ამ ინფორმაციის უარყოფა და ასევე, მორალური ზიანისთვის 55 555 ლარის ანაზღაურება, რომელიც გადაეცემა საქველმოქმედო ფონდს. ჩვენ ვიცით, რომ სხვა კანდიდატებთან მიმართბაშიც იყო მსგავსი ინფორმაცია გაჟღერებული, რაც საბოლოო ჯამში ვიცით, რომ „ნაციონალური მოძრაობის“ ინტერესებს ემსახურება,“- აღნიშნა ბექა ვაჭარაძემ.
ბრიფინგზე,ასევე, ვაჭარაძემ გაერთიანებული ოპოზიციის კანდიდატზეც ისაუბრა და გიგი უგულავა შეურაცხყოფის არაერთგზის მიყენებაში დაადანაშაულა.
,,გიგი უგულავა ძალიან ეცადა, რომ თავის სასარგებლოდ გამოეყენებინა ეს ცრუ ინფორმაცია, ისევე როგორც სხვა ბრალდებები არ გამოუვიდა და არ გამოუვა. მას ბევრი მცდელობა ჰქონდა პირველი ტურის განმავლობაში და ახლაც მეორე ტურში გრძელდება შეურაცხყოფები ჩემი გუნდის და ჩემი მხარდამჭერების მიმართ, რაც აბსოლუტურად მიუღებელია და არავის მივცემთ უფლებას იმიტომ, რომ როგორც ჩემთვის ასევე, ფოთელების უმრავლესობისთვის ღირსება ამ ქალაქის და ქვეყნის სიყვარული არის ძალიან ფასეული. ყველა სხვა ანალოგიურ შემთხვევაშიც, ჩვენ გვექნება ადეკვატური პასუხი. არავის მივცემთ საშუალებას, სხვა ადამიანებსაც მსგავსი დეზინფორმაციით შეურაცხყოფა მიაყენონ. მთელი ამ პერიოდის განმავლობაში ამ მეთოდებით მუშაობენ. თან შერიგებაზე საუბრობენ, ეს ისრთივე უტიფრობაა, როგორც მაგალითად გიგი უგულავას განცხადებები იმის შესახებ, რომ პორტი ქალაქისკენ უნდა შემობრუნდეს, პორტი რომელიც ყველამ იცის, რომ 2006 წელს სწორედ მათი ხელისუფლების პერიოდში გასხვისდა, ჩაიკეტა „მორვაგზალი“ ფოთელებისთვის. ასევე, ის ქარხნები, რომლებზეც ხშირად სპეკულირებს გიგი უგულავა 2006 წელს არის აშენებულუ და რა თქმა უნდა, ჩვენი პასუხისმგებლობაა ეს და ყველაფერს ვაკეთებთ, რომ ეს მოგვარდეს. წელს უკვე საერთაშორისო ორგანიზაციის ჩართულობით მივიყვანთ ბოლომდე ამ ქარხნების შესაბამის სტანდარტებთან მიყვანას და ისიც დიდი უტიფრობაა, თითქოს ახლა აღმოაჩინა გიგი უგულავამ ფოთი. ჩვენ კარგად გვახსოვს მისი გუბერნატორობის პერიოდი და ფოთელებს რითაც დაამახსოვრა ეს პერიოდი იყო, მასშტაბური დაჭერები. მაგალითად 5 ექიმი დაიჭირეს, რომლებიც საავადმყოფოს პრივატიზებას ეწინააღმდეგებოდნენ და ბევრი სხვა მძიმე ფაქტი არის მის კისერზე, რომლებზეც საუბარი არ გვღირს, რადგან ფოთელებს აინტერესებს პრობლემების გადაჭრების გზები, ამ ქალაქის განვითარების გზებ. ცენრტრალურ ხელისუფლებასთან ერთად აუცილებლად ვიზრუნებთ ამ ქალაქის განვითარებაზე და არავის მივცემთ უფლებას, რომ ეს ქალაქი პოლიტიკური ვირ–ეშმაკობებისთვის გამოიყენოს. აუცილებლად 30 ოქტომბერს, სადაც გაუშვებს ფოთელები გიგი უგულავას, იქ გავატანთ იმ ტალახს, რომელიც მან ამ ქალაქში ჩამოიტანა“ ,- აცხადებს ვაჭარაძე.
