ფოთის მუნიციპალიტეტში უხვმა ნალექმა პრობლემები შექმნა. ადგილობრივების ცნობით, გარკვეულ უბნებში გათიშულია ელექტროენერგია. ამასთან, ავტომიბილებს გადაადგილება უჭირთ.
როგორც ფოთის მერიაში განმარტავენ, ნალექისგან გზებისა და ტროტუარების გაწმენდა ინტენსიურად მიმდინარეობს, იყრება ტექნიკური მარილი. მათივე ცნობით, ამ დროისთვის ელექტროენერგია არ მიეწოდება 6000-მდე აბონენტს.
აღდგენითი სამუშაოები უწყვეტ რეჟიმში გრძელდება და 17:00 საათისთვის სრულად აღდგება ელექტროენერგიის მიწოდება. ამასთან, მოსალოდნელი უამინდობის გამო, 24 და 25 თებერვალს ფოთის საბავშვო ბაღებში სააღმზრდელო პროცესი დროებით შეჩერდება , ასევე მხოლოდ 24 თებერვალს სასწავლო პროცესი შეჩერდება საჯარო სკოლებში.
მუნიციპალური სამსახურები საგანგებო რეჟიმში აგრძელებენ მუშაობას.
