მმართველი პარტიის მიერ პრეზიდენტის იმპიჩმენტის პროცესის დაწყების შესახებ გაკეთებული განცხადება politico.eu-ს ობიექტივში მოხვდა.
“გურია ნიუსი” გთავაზობთ თარგმანს, თუ რას წერს ამერიკული საგაზეთო კომპანია საქართველოში განვითარებული მოვლენების შესახებ:
“საქართველოს მმართველმა პარტიამ პარასკევს განაცხადა, რომ დაიწყო იმპიჩმენტის პროცესი ქვეყნის პრეზიდენტის, სალომე ზურაბიშვილის წინააღმდეგ.
ქართული მედია “ქართული ოცნების” თავმჯდომარე ირაკლი კობახიძეზე დაყრდნობით იუწყება, რომ პარტია პრეზიდენტს ადანაშაულებს კონსტიტუციის დარღვევაში ევროკავშირის უცხო ქვეყნებში მთავრობის თანხმობის გარეშე ვიზიტით.
„საქართველოს ხელისუფლებას აქვს სახელმწიფოს გაძლიერების მიზანი, მათ შორის საგარეო პოზიციების გაძლიერების მიზანი“, – განაცხადა კობახიძემ და აღნიშნა, ჩვენ ვხედავთ, რომ სალომე ზურაბიშვილი საპირისპირო ინტერესებით მოქმედებს.
საქართველომ, რომელმაც მოითხოვა ევროკავშირში გაწევრიანება მას შემდეგ, რაც რუსეთი უკრაინაში 2022 წლის დასაწყისში შეიჭრა, ამ მიზნისკენ მიმავალი პროგრესი განიცადა, იმ შიშის ფონზე, რომ პარტია „ქართული ოცნების“ ქვეშ მყოფი ქვეყანა რუსეთთან მჭიდრო ეკონომიკურ ურთიერთობას ეძებს. ბრიუსელმა გააფრთხილა თბილისის ადმინისტრაცია ქვეყანაში კანონის უზენაესობისა და ადამიანის უფლებების დაცვაში „ჩავარდნის“ შესახებ.
2022 წელს ევროკავშირმა საქართველოსთვის კანდიდატის სტატუსის მინიჭება შეაჩერა. ამის ნაცვლად, მან ჩამოაყალიბა 12 რეკომენდაციის პაკეტი რეფორმებისთვის, რომლებიც ქვეყანამ უნდა შეასრულოს კანდიდატურის მისაღებად.
კობახიძის თქმით, ზურაბიშვილის ვიზიტები ევროკავშირში კონტრპროდუქტიულია საქართველოს შანსებისთვის, მიაღწიოს კანდიდატის სტატუსს. პრეზიდენტის საქციელი „პირდაპირ ეწინააღმდეგება საქართველოს ხელისუფლების ძალისხმევას აღნიშნული სტატუსის მისაღებად“, – განაცხადა მან.
„ამიტომ, საქართველოს ხელისუფლების უარი პრეზიდენტის მიერ დაგეგმილ ევროპულ ტურზე გამართლებული იყო როგორც სამართლებრივი, ასევე პოლიტიკური თვალსაზრისით“, – განაცხადა კობახიძემ, რომელიც მიიჩნევს, რომ საქართველო ამჟამად იმსახურებს კანდიდატის სტატუსს.
კობახიძემ აღიარა, რომ წარმატებული იმპიჩმენტი ნაკლებად სავარაუდოა, რადგან ის მოითხოვს 100 დეპუტატის მხარდაჭერას, მათ შორის ოპოზიციის. მაგრამ „ქართულმა ოცნებამ“ გადაწყვიტა წინ წასულიყო და საპარლამენტო უმრავლესობის წევრების ხელმოწერების შეგროვება დაეწყო.
ზურაბიშვილი პრეზიდენტად 2018 წელს აირჩიეს. მას შემდეგ მას უთანხმოება აქვს მმართველ პარტიასთან რიგ საკითხებში და გამოთქვა შეშფოთება რუსეთთან მზარდი კავშირების გამო”.
