ზუგდიდში, დარჩელში ავარიის შედეგად დაშავებული ახალგაზრდის, მურმან კალანდიას ჯანმრთელობის მდგომარეობა მძიმეა.
როგორც “გურია ნიუსს” დაშავებულის ახლობელმა განუცხადა, 24 წლის მამაკაცი კომაშია.
“პოლიციელი, რომელიც მურმანს დაეჯახა, არაფხიზელ მდგომარეობაში იყო… მას გუშინ ჩაუტარდა თავის ტვინის ნეიროქირურგიული ოპერაცია. ამ დროისთვის, მისი მდგომარეობა არის მძიმე და კომაშია. ღმერთმა გადაარჩინოს… ყველაზე ბედნიერი იყო, ოთხი თვის ორსული მეუღლე ჰყავს და შვილის დაბადებას დიდი სიხარულით ელოდა”,-გვეუბნება დაშავებულის ახლობელი.
ჩვენი წყაროს ინფორმაციით, მომხდარ ფაქტზე გამოძიება პროკურატურამ დაიწყო.
შეგახსენებთ, ავტოსაგზაო შემთხვევა გუშინ, სოფელ დარჩელში მოხდა.
როგორც ირკვევა, პოლიციელი, რომელიც არაფხიზელ მდგომარეობაში იყო, მამაკაცს იმ დროს დაეჯახა, როცა მან სხვა ავტომობილს ააცილა.
ავტორი
