ორაგული – ცხიმოვანი მჟავები, ომეგა3, ვიტამინი B12 და რკინა, რომელსაც ეს ზღვის პროდუქტი შეიცავს, საგრძნობლად აძლიერებს ფოლიკულებს და ასტიმულირებს თმის ზრდას. ექვსი თვის მანძილზე ამ პროდუქტისა და ზოგადად ცხიმოვანი მჟავების, ომეგა 3, ვიტამინი B12 და რკინის შემცველი პროდუქტების მიღებით ფერხდება ტელოგენის პროცესი (თმის ცვენის ფაზა).
ქათამი – ის სავსეა ცხოველური ცილებით, რომელიც ხელს უწყობს კერატინის გამომუშავებას. (თმაში 80% კერატინია). 2-3 თვე ქათმის ხორცის მიუღებლობა იწვევს თმის ზრდის შეჩერებასა და ცვენას. ამ კუთხით ასევე სასარგებლოა ინდაურის და კურდღლის ხორცი.
კვერცხი – ის შეიცავს ისეთ საჭირო ელემენტებს, რომლებიც აუცილებელია თმის ზრდისა და ნორმალური პირობებისთვის. ესენია – ცილა, ბიოტინი, ლეიცინი და სხვა საჭირო ამინომჟავები.
ნუში – შეიცავს ვიტამინ E-ს, რომელიც ასტიმულირებს და აძლიერებს თმას. მაგალითად დღეში 30გრ ნუშის მიღება 70%-ით ავსებს თმას საჭირო ნივთიერებებით. გარდა ამისა ნუში ასევე შეიცავს ბიოტინს, ცხიმოვან მჟავებს და B ჯგუფის ვიტამინებს.
გოგრის კურკა – გოგრის კურკები შეიცავს B1, B2, B3, B4 ვიტამინებს, რომლებიც პასუხისმგებელნი არიან თმის ზრდაზე და ასევე ვიტამინებს B5 და B6, რომლებიც ზრუნავენ თავის კანის ჯანმრთელობაზე. მაშინ, როდესაც ალოპეციის (თმის ცვენა–გამელოტება) პროცესია, აუცილებლად უნდა გამოვიყენოთ გოგრის კურკის ზეთი, რომელიც სწრაფად ეხმარება პროცესის შეფერხებას.
