პროექტი „არაფერი ჩემს გარეშე – ჩემი არჩევანი მნიშვნელოვანია“ – მიზნად ისახავდა საქართველოს სამ რეგიონში, გურიის, იმერეთის და სამეგრელოს 9 მუნიციპალიტეტში შეზღუდული შესაძლებლობის მქონე პირებისა და მათი ოჯახის წევრების ინფორმირებას 2024 წლის საპარლამენტო არჩევნების შესახებ სიახლეების მიწოდებას.
პროექტის ერთ-ერთი ავტორი ფიქრია ბარამიძე ამბობს, რომ შეხვედრები ძალიან ინტერაქციული და საინტერესო გამოვიდა იქიდან გამომდინარე, რომ მონაწილეები აქტიურად იყვნენ ჩართულები და სვამდნენ ინტენსიურად შეკითხვებს სხვადასხვა მიმართულებით პროცესებთან დაკავშირებით. მაგალითად, როგორ შეეძლოთ ეპოვათ საკუთრი თავი თუ სად იყვნენ რეგისტრირებულებები ხმის მისაცემად, რამდენიდღით ადრე იყო მინიმუმ შესაძლებელი რომ სასურველ ადაპტირებულ უბანზე მიეცათ ხმა ეტლით მოსარგებლე და მობილობაშეზღუდვის მქონე მოსაარგებლეებს ხმა და როგორ შეეძლოთ გადაწერა სასურველ უბანზე, ასევე კითხვები იყო ჰქონდათ თუ არა დახმარების მიღების უფლება საჭიროების შესაბამისად ბიულეტენის შეცურების დროს მათ და ვისი დახმარებით შეიძლებოდა ამის მოგვარება რა უპირატესობა აქვს არჩევნებში ელექტრონული ტექნოლოგიების გამოყენებას და ა.შ.
ფიქრია ბარამიძე, „ოზურგეთის დამოუკიდებელი ცხოვრების ცენტრის“ თავმჯდომარე: პროექტის „არაფერი ჩემს გარეშე – ჩემი არჩევანი მნიშვნელოვანია“ მოსალოდნელი შედეგია, მინიმუმ 200 შეზღუდული შესაძლებლობის მქონე პირის/ოჯახის წევრის ცნობიერების ამაღლება თუ რატომ არის მნიშვნელოვანი არჩევნებში მათი მონაწილეობა და რა სიახლეები არის 2024 წლის საპარლამენტო არჩევნების შესახებ, რომელიც ჩატარდება ელექტრონული ტექნოლოგიების გამოყენებით.
ჩემთვის როგორც შეზღუდული შესაძლებლობის მქონე პირებისა და მათი ოჯახის წევრების უფლებების დაცვაზე მომუშავე ორგანიზაციისთვის მნიშვნელოვანი და ძალიან საინტერესო იყო ამ პროექტის წარმატებით განხორციელება. ასევე გავიგეთ შშმ პირთა რამდენი პროცენტი იყო ინფორმირებული საკუთარი საარჩევნო უფლებების შესახებ და იცოდნენ თუ არა მათთვის რა სერვისები იყო მისაწვდომი ხმის მისაცემად და სასურველი კანდიდატის გასაფერადებლად, საერთოდ სურდათ თუ არა არჩევნებში მონაწილეობა და თუ არ სურდათ რა იყო ამის მიზეზი. მიხარია რომ ამ მხრივ ოზურგეთის დამოუკიდებელი ცხოვრების ცენტრის გუნდმა შევძელით ეს ყველაფერი იმერეთისა და სამეგრელოს რეგიონებთან ერთად გავუზიარეთ ჩვენს მიერ მიღებული ცოდნა და გამოცდილება გურიის, სამეგრელოსა და იმერეთის რეგიონში მცხოვრებ ზრდასრულ შეზღუდული შესაძლებლობის მქონე პირებს, მათ მხარდამჭერებსა და ოჯახის წევრებს.
მადლობა ამ შესაძლებლობისთვის და გაწეული მხარდაჭერისთვის USAID-ს და IFES ჩვენ ყველას, ყოველთვის უნდა გვქონდეს შესაძლებლობა გავაკეთოთ ჩვენი არჩევანი თანასწორ გარემოში ღირსეულად, არაფერი ჩემს გარეშე ჩემი არჩევანი მნიშვნელოვანია!“
მარიამ გარაყანიძე, „ოზურგეთის დამოუკიდებელი ცხოვრების ცენტრის“ ლიდერი: როგორც ცნობილია წელს საქართველოში ელექტრონული სისტემით ხდება ხმის მიცემა და აქედან გამომდინარე ის სიახლები, რაც ტრენინგზე მივიღეთ და გავეცანით ყველასთვის მნიშვნელოვანი იყო. ცესკოს ოფიციალურ ვებ-გვერდზე არის ყველა ინფორმაცია და ასევე ტელევიზიითაც ხდება საარჩევნო ცვლილებზე საუბარი, მაგრამ შშმ პირებისთვის ბოლომდე მაინც არ არის ეს სიახლეები ცნობილი. როდესაც მიზნობრივად ხდება ინფორმაციის მიწოდება ეს უფრო კარგი არის.
ასევე ვიმედოვნებ, რომ ის უბნები სადაც შშმ პირები ვაძლევთ ხმას ადაპტირებული დაგხვდება.
მედეა შარაშიძე, მშობელი: ეს შეხვედრები ძალიან დროული და მნიშვნელოვანი იყო. მაგალითად, ერთ-ერთ ტრენინგზე სამი ისეთი შშმ პირი იღებდა მონაწილებას, რომელიც წელს პირველად აძლევენ ხმას არჩვენებში. ამიტომ ყველა საჭირო ინფორმაცია მიიღეს ტრენინგის მსვლელობის დროს.
პროექტი „არაფერი ჩემს გარეშე – ჩემი არჩევანი მნიშვნელოვანია“ USAID-ს და IFES ფინანსური მხარდაჭერით განხორციელდა.
