რუსეთის პრეზიდენტ ვლადიმერ პუტინის განცხადებით, ჩინეთის მიერ შემუშავებული სამშვიდობო გეგმა შეიძლება უკრაინაში ომის დასრულების საფუძველი გახდეს.
როგორც BBC იუწყება, რუსეთის ლიდერი სამშაბათს მოსკოვში შეხვდა ჩინეთის პრეზიდენტ სი ძინპინს. მათ განიხილეს კონფლიქტი და ორ ქვეყანას შორის ურთიერთობები.
პუტინმა თქვა, რომ სამშვიდობო გეგმა შეიძლება განხორციელდეს “როცა ისინი მზად იქნებიან ამისთვის დასავლეთში და კიევში”. მაგრამ ჩინეთის გეგმა – რომელიც გამოქვეყნდა გასულ თვეში – არ მოუწოდებს რუსეთს დატოვოს უკრაინა.
გასულ თვეში გამოქვეყნებული 12-პუნქტიანი გეგმა სამშვიდობო მოლაპარაკებებსა და ეროვნული სუვერენიტეტის პატივისცემას მოითხოვს.
ის ასევე გმობს „ცალმხრივ სანქციებს“, რაც განიხილება, როგორც დასავლეთში უკრაინის მოკავშირეების ფარული კრიტიკა.
უკრაინა დაჟინებით მოითხოვდა რუსეთის ჯარის გაყვანას მისი ტერიტორიიდან.
მოსკოვში სინ ძიპინთან მოლაპარაკების დასრულების შემდეგ გამართულ ერთობლივ პრესკონფერენციაზე პუტინმა თქვა: „ჩინეთის სამშვიდობო გეგმის მრავალი დებულება შეიძლება იქნას მიღებული უკრაინაში კონფლიქტის მოგვარების საფუძვლად, როდესაც დასავლეთი და კიევი მზად იქნებიან ამისთვის.”
პუტინმა დასძინა რომ, რუსეთს ჯერ კიდევ არ უნახავს მეორე მხრიდან ასეთი “მზაობა”.
ჩინეთის პრეზიდენტის თქმით, მისი მთავრობა მშვიდობისა და დიალოგის მომხრეა და ჩინეთი “ისტორიის სწორ მხარეს” იმყოფება.
მან კვლავ განაცხადა, რომ ჩინეთს აქვს “მიკერძოებული პოზიცია” უკრაინის კონფლიქტთან დაკავშირებით.
წყვილმა ასევე განიხილა ორ ქვეყანას შორის მზარდი სავაჭრო, ენერგეტიკული და პოლიტიკური კავშირები.
ცნობისთვის, დასავლეთში იზრდება შეშფოთება იმის შესახებ, რომ ჩინეთმა შესაძლოა სამხედრო დახმარება გაუწიოს რუსეთს.
„ჩვენ ვერ ვნახეთ რაიმე მტკიცებულება იმისა, რომ ჩინეთი აწვდის ლეტალურ იარაღს რუსეთს, მაგრამ ჩვენ დავინახეთ გარკვეული ნიშნები, ეს იყო რუსეთის მოთხოვნა და რომ ეს არის საკითხი, რომელსაც პეკინში განიხილავს ჩინეთის ხელისუფლება“, – განაცხადა ნატოს გენერალურმა მდივანმა იენს სტოლტენბერგმა ბრიუსელში ჟურნალისტებს.
