| ელაინერები ორთოდონტიაში ინოვაციაა, რომელიც სულ უფრო და უფრო მეტი ადამიანისთვის ხდება კბილების გასწორების ყველაზე ოპტიმალური მეთოდი. მიუხედავად მისი პოპულარულობისა, შეიძლება, ბევრმა თქვენგანმა მათ შესახებ მხოლოდ დღევანდელი ბლოგის წაკითხვისას გაიგოს, ამიტომ, ჩვენი მიზანია, ამომწურავი ინფორმაცია მოგცეთ ესთეტიკური სტომატოლოგიის ამ მნიშვნელოვან წარმომადგენელზე.
რა არის ელაინერები? ელაინერები არის ორთოდონტიული ხელსაწყო, რომლებიც გამოიყენება კბილებისთვის ადგილმდებარეობის შესაცვლელად და, შესაბამისად, გასასწორებლად. ელაინერები დამზადებულია მოხსნადი მექანიზმით, რაც ნიშნავს, რომ მისი მოვლა მარტივი და კომფორტულია. ვიზუალურად ელაინერები წააგავს კაპებს, რომლებსაც სტომატოლოგი ზოგიერთ პაციენტს სახლის პირობებში კბილების გასათეთრებლად ან გასასწორებლადა უნიშნავს. ელაინერების ერთ-ერთი მთავარი მახასიათებელი უხილავობაა. მართლაც, სრულიად გამჭვირვალე მოწყობილობის შემჩნევა გარეგნულად თითქმის შეუძლებელია. როგორ მუშაობს ელაინერები? ბრეკეტების მსგავსად, ელაინერებით კბილების გასწორება შესაძლებელია კბილებზე მცირე ზეწოლით, რაც კბილის ადგილმდებარეობის შეცვლას განაპირობებს. მკურნალობის კურსის განმავლობაში, პაციენტი პერიოდულად იცვლის ელაინერებს. ყოველი ახალი ელაინერი კბილის დაახლოებით 0.2-0.3მმ-ით გადაადგილებას უზრუნველყოფს. ელაინერები პაციენტისთვის ინდივიდუალურად მზადდება შესაბამის ქარხნებსა და სატექნიკო ლაბორატორიებში. თავდაპირველად, ორთოდონტი აიღებს თქვენი კბილების ნიმუშს და შემდეგ დაიწყება ელაინერის დამზადება. როდის არის ელაინერების გამოყენება რეკომენდირებული? ელაინერების გამოყენება ეფექტურია მაშინ, როცა საქმე გვაქვს პირის ღრუსთან დაკავშირებულ შემდეგ პრობლემებთან:
გაითვალისწინეთ, რომ ელაინერებით კბილების გასწორება თანკბილვის მსუბუქი და საშუალო დარღვევების შემთხვევაშია ეფექტური. უფრო სერიოზული პრობლემების შემთხვევაში, შესაძლოა, ქირურგიული ჩარევაც გახდეს საჭირო. სტომატოლოგიური კონსულტაციის შედეგად ორთოდონტი შეაფასებს თანკბილვის დარღვევის სიმძიმეს და მკურნალობის შესაბამის გეგმას შემოგთავაზებთ. ელაინერებით კბილების გასწორების რამდენიმე უპირატესობა ახლა კი ვისაუბროთ იმ უპირატესობებზე, რის გამოც ელაინერებით კბილების გასწორებას უფრო და უფრო მეტი მსურველი ჰყავს. კომფორტი როგორც უკვე ვახსენეთ, ელაინერები მოხსნადი მექანიზმია, ეს კი მათი ტარების სიმარტივესა და კომფორტს განაპირობებს. ბევრი პაციენტისთვის კომფორტულია ისიც, რომ ელაინერები თითქმის შეუმჩნეველია გარეგნულადაც და შეგრძნების დონეზეც. ამის გამოა, რომ ბევრი ცნობილი ადამიანი, მსახიობები, მომღერლები, ჟურნალისტები და ა.შ. ბრეკეტების ნაცვლად ელაინერების გამოყენებას არჩევს. სწრაფი შედეგი ელაინერების ერთ-ერთი უპირატესობა დროში ეფექტურობაც არის. გარანტირებული შედეგი საკმაოდ მოკლე ვადაში დგება. ბრეკეტების მსგავსად, ელაინერების შემთხვევაშიც მკურნალობის დრო დამოკიდებულია პაციენტის მდგომარეობაზე. როგორც წესი, გარანტირებული შედეგი 9 თვიდან 2 წლამდე პერიოდში დგება. რაც შეეხება ელაინერების ფასს, ის კლინიკაზეა დამოკიდებული. ჰიგიენა პირის ღრუს ჰიგიენის დაცვა ელაინერების გამოყენებისას გაცილებით მარტივია, ვიდრე კბილების გასწორების ტრადიციული მეთოდის, ბრეკეტების შემთხვევაში. პაციენტი მრავალსაფეხურიანი რუტინისგან თავისუფლდება, არ სჭირდება დამატებითი ხელსაწყოების გამოყენება პირის ღრუს სისუფთავის დაცვისთვის, ვინაიდან ელაინერების მოხსნა ნებისმიერ მომენტში არის შესაძლებელი და ფაქტობრივად კბილების ჯაგრისითა და სტომატოლოგიური ფლოსით გაწმენდა უპრობლემოდ არის შესაძლებელი. გაითვალისწინეთ, ბლოგი ინფორმატიული ხასიათისაა და მისი მიზანი არაა, ჩაანაცვლოს პროფესიონალური სამედიცინო რჩევა, დიაგნოზი, მკურნალობის გეგმა და სხვ. ნებისმიერი სამედიცინო პრობლემის შესახებ კითხვების არსებობის შემთხვევაში, მიმართეთ ექიმს. |
