ნატო ხელაძე თავისუფალია. ქმრის მკვლელობისთვის დაკავებული ნატო ხელაძე განთავისუფლდა პატიმრობიდან. რაც შევძელი, ეს არის. მკვლელობის ბრალდება მოეხსნა და პატიმრობიდან გაანთავისუფლეს.
ვის რას უმზადებს განგება,არავინ იცის. გავაცილებ ახლა სამტრედიაში, მაგრამ სახლში არავინ ელოდება…. მეუღლე მოუკლეს, შვილები მინდობით აღზრდაში გაიყვანა სოციალურმა სამსახურმა, ძმები და ძმისშვილი დააპატიმრეს და მოუწევს ნაქირავები სახლის ნესტიან კედლებში საკუთარ ფიქრებთან მარტო დარჩენა. მძიმე ღამე ელის. ეზოში ისევ სისხლის კვალია და ბავშვების ფეხსაცმელია მიმოფანტული…. უმძიმესი ცხოვრება აქვს ამ პატიოსან და საცოდავ გოგოს, რომელიც გადაყოლილი დედაა მისი შვილებისთვის. ჯანმრთელობას ვუსურვებ და მშვიდ ცხოვრებას ნატო ხელაძეს და მის შვილებს.”- წერს საკუთარ ფეისბუქის გვერდზე ადვოკატი მაგდა კოტრიკაძე და საზოგადოებას ამცნობს სამტრედიაში ქმრის მკვლელობაში ბრალდებული ნატო ხელაძის გათავისუფლების ამბავს.
,, გურია ნიუსის” მკითხველს შევახსენებთ, რომ დაახლოებით, სამი კვირის წინ სამტრედიაში, ბარათაშვილის ქუჩაზე ნაქირავებ ბინაში განსაკუთრებული სისასტიკით ახალგაზრდა მამაკაცი მოკლეს.მოკვლელობა საკუთარ თავზე აიღო მოკლულის მეუღლემ, მოგვიანებით მან ჩვენება შეცვალა და სასამართლოზე საკუთარი უდანაშაულობის დამტკიცებას ცდილობდა.
საბოლოოდ გაირკვა, რომ მკვლელი ნატო ხელაძის ახლობლები აღმოჩნდნენ.
