ქუჩაში არ ჰყოფნით ხალხის მხარდაჭერის რესურსი, პარლამენტში არ ჰყოფნით ინტელექტუალური რესურსი _ ასეთი განცხადება შესახებ ქართული ოცნების თავმჯდომარემ ირაკლი კობახიძემ ერთიანი ნაციონალური მოძრაობის შესახებ გააკეთა.
“არათანმიმდევრული როცა ხარ, საკუთარი მიზანი არ იცი რა არის. მათ მიზანიც კი დაკარგული აქვთ იმდენად არიან დასუსტებული. იციან, რომ ქუჩაში არავითარი რესურსი არ აქვთ, პარლამენტში არავითარი რესურსი არ აქვთ. ელემენტარულად, ინტელექტუალური რესურსი არ ჰყოფნის ნაცმოძრაობას იმისათვის, რომ საპარლამენტო მუშაობაში ჩაერთონ.
ანუ ქუჩაში არ ჰყოფნით ხალხის მხარდაჭერის რესურსი, პარლამენტში არ ჰყოფნით ინტელექტუალური რესურსი და თვითონვე არიან გაჭედილი ურესურსობებს შორის”, _ ამბობს ირაკლი კობახიძე ენმ-ზე საუბრისას, რომელმაც შესაძლოა ბოიკოტი შეწყვიტოს და “ხალხის ხალის” რუსული კანონპროექტის გამო, საპარლამენტო მუშაობას დაუბრუნდეს.
