“ყველა გადაწყვეტილება, უკავშირდება სამინისტროში გახორციელებულ რეორგანიზაციას და ოპტიმიზაციას”

თავდაცვის სამინისტროდან გათავისუფლებული თანამშრომლების სასამართლოს გადაწყვეტილებით აღდგენის საკითხს თავდაცვის მინისტრი ლევან იზორია, ევეტერანთა საქმეთა სახელმწიფო სამსახურის გახსნაზე გამოეხმაურა.

,,ეს არის ნათელი გამოხატულება იმისა, თუ რა არის სამართლებრივი სახელმწიფო, თუ რას ნიშნავს დამოუკიდებელი სასამართლო და მართლმსაჯულება.  ყველა გადაწყვეტილება, უკავშირდება სამინისტრის ფარგლებში გახორციელებულ რეორგანიზაციას და ოპტიმიზაციას. სუბიექტის უფლებაა, გაასაჩივროს და სასამართლომ გადაწყვეტილება მიიღოს. ბუნებრივია, დამოუკიდებლობიდან გამომდინარე, ჩვენ ყველანი, პატივს უნდა ვცემდეთ, ამ გადაწყვეტილებას. შესაბამისად,  ჩვენ  უკვე მივიღეთ რამდენიმე გადაწვეტილება, როდესაც აღვადგინეთ, თუმცა, ეს არის ძალიან მცირე რაოდენობა, ასე რომ,  ჩვენ, ბუნებრივია, ამ პროცესს მომავალშიც გავაგრძელებთ, თუ სასამართლოს გადაწვეტილება იქნება მსგავსი“, _ განაცხადა ლევან იზორიამ.

უწყების ხელმძღვანელმა,  ჟურნალისტის კითხვაზე, თანამშრომლების გათავისუფლება, რამდენად მიზანშეწონილი და არგუმენტირებული იყო, განაცხადა, რომ აღნიშნული გადაწვეტილება, სწორად იქნა მიღებული, რომელიც ნატოს და სტრატეგიული პარტნიორების მხრიდან იქნა მოწონებული.

,,თავდაპირველად როდესაც ოპტიმიზაცია დაკავშირებული იყო იმ ძირითად პოლიტიკასთან და კურსთან, რომ თავდაცვის ხარჯები მიმართული იყოს იმ მთავარი ამოცანისთვის, რასაც ჰქვია ქვეყნის თავდაცვისუნარიანობა და არა სოციალური ან სხვა მიმართულებები. აქედან გამომდინარე, დღესაც ღრმად ვარ დარწმუნებული, ჩვენი გადაწვეტილების სისწორეში. ეს გადაწყვეტილება მოწონებული იქნა, ასევე, ნატოს და ჩვენი სტრატეგიული პარტნიორების მიერ. ნატოს წევრ ქვეყნებში არსებობს სტანდარტი, რომ თავდაცვაზე იყოს მიმართული უფრო მეტი, მაგალითად, აღჭურვილობაზე 20 პროცენტი, ხოლო მთლიანი შიდა პროდუქტის 2% _ თავდაცვის ბიუჯეტზე და 55 % _ სახელფასო და სოციალურ მიმართულებებზე. სწორედ ამ მიზნით იყო განპირობებული ის რეფორმები, რაც ჩატარდა, რომლითაც ჩვენ, ბუნებრივია, ვამაყობთ.