როტვეილერი _ როტვეილერი ხშირად აგრესიულია სხვა ძაღლების მიმართ. თუ გავითვალისწინებთ მის ძალას, შედეგი შეიძლება საკმაოდ მძიმე იყოს. ამის გარდა ამ ჯიშის ძაღლი თავგანწირვით იცავს პატრონს. იგი მყისვე შემოგიტევთ თუ იგრძნო, რომ პატრონი განსაცდელშია.
რიზენშნაუცერი _ იმის გარდა, რომ ეს ძაღლი ძალზე აგრესულია, (უცხო ადამიანებისა და სხვა ძაღლების მიმართ), ის საკმაოდ დიდია, რის გამოც 2-ჯერ უფრო სახიფათო ხდება. ამ ძაღლს სჭირდება სპეციალური გაწვრთნა და განსაკუთრებული კონტროლი.
ჯეკ რასელ – ტერიერი _ ამ ჯიშის ძაღლები ვერ იტანენ უხეშ მოპყრობას და ეეწინააღმდეგება ყველას, ვინც მის პირად სურვილებს წინ აღუდგება. ტერიერი განსაკუთრებით საშიშია პატარა ბავშვებისთვის, რომლებიც მასთან თამაშობენ.
ჩიხუახუა _ როცა აგრესიულობაზე მიდგება საქმე, ცოტა ძაღლი თუ “დაიკვეხნის” რომ ამ პატარა მინიატურულ ძაღლს სჯობდეს. ჩიხუახუა იყეფება მუდამ უმიზეზოდ და იკბინება ყოველგვარი მიზეზის გარეშე.
ტაქსა _ გამოკვლევებმა დაამტკიცა, რომ ეს არც თუ დიდი ძაღლი ყველაზე აგრესიულია ყველა ჯიშის ძაღლებს შორის. სტატისტიკის თანახმად ყოველი მე-5 ტაქსა კბენს უცხო ადამიანს, ხოლო ყოველი მე-12 საკუთარ პატრონს.
