ცოტა ხნის წინ ჟურნალმა „Glamour“ ყველაზე გემოვნებიანი ვარსკვლავების სია გამოაქვეყნა.
ტოპ-ათეულს კრისტენ სტიუარტი ლიდერობს. მსახიობი ამ ფაქტით გაოცებული დარჩა და ერთ-ერთ ინტერვიუში განაცხადა, რომ სხვა ქალების მსგავსად „შოპინგი“ დიდად არ უყვარს.
„როდესაც სახლიდან გავდივარ, მაისურს ვიცვამ და ჩემი თმა ყოველთვის მოუწესრიგებელია. ხალხი მეუბნება, რომ ხანდახან სავარცხელი გამოვიყენო“, – განაცხადა მსახიობმა.
მსახიობი კრისტენ სტუარტი ძირითადად ჯინსსა და მაისურებში გამოწყობილი დადის, თუმცა მისი სტილი დიზაინერების შთაგონების წყაროა.
ტოპ-ათეული ასე გამოიყურება: კრისტენ სტიუარტი, ემა უოტსონი, ქეით მიდლტონი, ემა სტოუნი, ტეილორ სვიფტი, ვიქტორია ბექჰემი, შერილ ქოული, ბლეიკ ლაივლი, ქეთი პერი, ბიონსე.
