ასტროლოგები გამოყოფენ ზოდიაქოს ყველაზე პესიმისტ ნიშნებს. მათი განმარტებით, წუწუნი რომ პროფესია იყოს, ეს ადამიანები საუკეთესოები იქნებოდნენ.
1. კურო – ზოდიაქოს ამ ნიშნის ადამიანები გეგმის მიხედვით ცხოვრობენ და არ მოსწონთ, როცა ცხოვრებაში რამე დაუგეგმავად ხდება. მაშინვე, როცა რაიმე სირთულეს გადააწყდებიან, როცა დაინახავენ, რომ ყველაფერი თავიანთი გეგმის მიხედვით არ მიდის, პესიმიზმი, უიმედობა იპყრობთ. იმედგაცრუებას ის დეპრესიამდე მიჰყავს.
დეპრესიაში მყოფი კუროს გვერდით ყოფნა კი წარმოუდგენლად რთულია. წუწუნი, ცრემლების ღვრა, უიმედობით სავსე წინადადებები, საშინლად ნეგატიური განწყობა და დამოკიდებულება ყველაფრის მიმართ გარშემომყოფებისთვის აუტანელს ხდის.
2. კირჩხიბი – როგორც ცნობილია,ზოდიაქოს ამ ნიშნის ადამიანები ძალიან სენსიტიურები არიან. მათ ყველაზე მარტივი დაბრკოლების გამოც კი ცრემლები სდით და უიმედობა იპყრობთ.
მათ უფრო მეტად სჩვევიათ ლაპარაკი საკუთარ თავთან, წუწუნი საკუთარ თავთან, ცდილობენ განმარტოვდნენ და ნეგატივი სხვას არ მოახვიონ თავს, თუმცა სხვების დახმარება მდგომარეობიდან გამოსასვლელად აუცილებლად სჭირდებათ. ზოდიაქოს ამ ნიშნებისთვის ურთულესია, რომ მარცხის შემდეგ ცხოვრებას ოპტიმისტურად შეხედონ.
3. ქალწული – ქალწული სრულყოფილებისკენ მიილტვის და ადამიანებშიც სრულყოფილებას ითხოვს, ხოლო როცა აცნობიერებს, რომ სრულყოფილი ამქვეყნად არავინ და არაფერია, უიმედობა იპყრობს, წუწუნებს იმ მიზეზებზე, რომელთა გამოც სრულყოფილებას ვერ მიაღწია.
აღსანიშნავია ის, რომ სხვა ზოდიაქოს ნიშნებისგან განსხვავებით,შედარებით მარტივად შეუძლია პესიმისტური შეხედულებების დავიწყება.
4. მორიელი – არავინ წუწუნებს იმდენს და არავის აქვს ისეთი პესიმისტური შეხედულებები, როგორც მორიელს. საინტერესო ის არის, რომ მორიელი თავის განწყობას სხვებს გადასდებს და რეალურად, მის ცხოვრებაში შეიძლება არც კი არსებობდეს პესიმიზმის მიზეზი.
წუწუნითა და პესიმისტური განწყობით ის ერთგვარად სხვებზე ახდენს ნეგატიურ გავლენას, თვითონ იცლება ამ ნეგატივისგან და საბოლოო ჯამში, თავის ცხოვრებას წარმატებულად წარმართავს.
5. თხის რქა – ზოდიაქოს ეს ნიშნები გამორჩეულად შრომისმოყვარეები არიან. მათ ისეთი ცხოვრების სტილი აქვთ, რომ აბსოლუტურად ბუნებრივი და გასაგებია მათი პესიმიზმი. თხის რქა არ აძლევს თავს გართობის, დასვენებისა და განტვირთვის საშუალებას და მისი ცხოვრება მხოლოდ სამსახურით შემოიფარგლება.
რა თქმა უნდა, ამ შემთხვევაში, ნებისმიერს შეიპყრობდა უიმედობა. ყველაფერი განსაკუთრებით მძიმე სახეს იღებს,თუ სამსახურში წარმატებას ვერ აღწევს, ან ყველაფერი გეგმის მიხედვით ვერ მიდის. ამ შემთხვევაში, თხის რქა სასოწარკვეთილია და აღარაფრის იმედი აღარ აქვს.
