აშშ-ს სახელმწიფო ხაზინის მდივანი, ჯანეტ იელენი აფრთხილებს ქვეყნებს, რომლებიც, უკრაინაში შეჭრასთან დაკავშირებით და დასავლეთის მიერ დაწესებული სანქციების მიმართ ნეიტრალურ დამოკიდებულებას იჩენენ, შესაძლოა, გლობალური იზოლაციის წინაშე აღმოჩნდნენ. ამის შესახებ მან Atlantic Council-ის ღონისძიების ფარგლებში ისაუბრა.
ჯანეტ იელენის თქმით, საჭიროა ახალი სავაჭრო შეთანხმებების გაფორმება, რათა შემცირდეს დამოკიდებულება არამოკავშირე ქვეყნებზე.
“მაშინ, როცა ბევრმა ქვეყანამ რუსეთის ქმედებების წინააღმდეგ საერთო პოზიცია დაიჭირა და ბევრმა კომპანიამ საკუთარი ნებით შეწყვიტა რუსეთთან ბიზნეს ურთიერთობა, ზოგიერთმა ქვეყანამ და კომპანიამ ეს არ გააკეთა.
ნება მომეცით ვუთხრა რამდენიმე სიტყვა იმ ქვეყნებს, რომლებიც მჟამად ღობეზე სხედან და ალბათ ხედავენ შესაძლებლობას სარგებელი ნახონ რუსეთთან ურთიერთობის შენარჩუნებით. ასეთი მოტივაცია ახლო მხედველობაა. მოდით გარკვევით ვთქვათ, სანქციების გამცემი ქვეყნების ერთიანი კოალიცია არ იქნება გულგრილი ქმედებების მიმართ, რომლებიც ძირს უთხრის ჩვენ დაწესებულს სანქციებს,“ – თქვა იელენმა.
აშშ-ს სახელმწიფო ხაზინის მდივნის თქმით, სანქციის მიმღები ქვეყნები გულგრილად ვერ შეხედავენ იმ ქმედებებს, რომლებიც ძირს უთხრიან რუსეთისთვის დაწესებულ სანქციებს.
“მოდი, ცხადად ვთქვათ, სანქციების დამწესებელი ქვეყნების გაერთიანებული კოალიცია ვერ იქნება გულგრილი იმ ქმედებების მიმართ, რომლებიც ძირს უთხრიან ჩვენს მიერ დაწესებულ სანქციებს”, – აღნიშნა იელენმა.
მისივე განცხადებით, პრეზიდენტ ბაიდენის ადმინისტრაცია იმუშავებს, რათა პარტნიორებთან ერთად მომავალშიც გააგრძელონ რუსეთის ეკონომიკური, ფინანსური და სტრატეგიული იზოლაცია.
ამასთან, ფინანსთა მინისტრმა ჩინეთს მოუწოდა, გამოიყენოს თავისი “განსაკუთრებული ურთიერთობა” რუსეთთან, რათა დაარწმუნოს ის ომის დასრულებაში. მისი თქმით, თუ ჩინეთი დასავლეთს არ დაეხმარება ომის დასრულებაში, ის დაკარგავს მის პოზიციას მსოფლიოში.
