შინაგან საქმეთა სამინისტრომ 2022 წლის II კვარტალში მომხდარი ავტოსაგზაო შემთხვევების სტატისტიკა გამოაქვეყნა.
უწყების ინფორმაციით, საქართველოს სისხლის სამართლის კოდექსის 276-ე მუხლის მიხედვით, აღნიშნულ პერიოდში ქვეყანაში სულ 1451 ავტოსაგზაო შემთხვევაა მომხდარი, რის შედეგადაც დაღუპულია 122 მოქალაქე, 1955 კი დაშავებული.
რაც შეეხება ამავე წლის პირველი კვარტლის მონაცემებს, მოხდა 1121 ავტოსაგზაო შემთხვევა, დაიღუპა 99, ხოლო დაშავდა 1583 მოქალაქე.
ამ მონაცემების საფუძველზე შეგვიძლია ვთქვათ, რომ ნახევარი წლის განმავლობაში, საქართველოში სულ მოხდა 2 572 საგზაო სატრანსპორტო შემთხვევა მოხდა, დაიღუპა 221, ხოლო დაშავდა 3 538 ადამიანი.
რაც შეეხება საგზაო-სატრანსპორტო შემთხვევების გამომწვევ სავარაუდო მიზეზებს, უწყების სტატისტიკით, ყველაზე მეტი ავტოსაგზაო შემთხვევა რკინიგზის გადასასვლელის გავლის წესის დარღვევას უკავშირდება. ამ მიზეზით ქვეყანაში 1294 ავტოსაგზაო შემთხვევაა მომხდარი. დაღუპულია 49 ადამიანი, დაშავებულია 1627.
ავტოავარიების გამომწვევი კიდევ ერთი გამოკვეთილი სავარაუდო მიზეზია შემხვედრი მოძრაობის ზოლში გადასვლა ან გასწრების წესების დარღვევა. ამ მიზეზით წელს მომხდარია 189 ავტოსაგზაო შემთხვევა, რამაც 22 ადამიანის დაღუპვა. ხოლო 347-ის დაშავება გამოიწვია.
ავტოსაგზაო შემთხვევების გამომწვევი კიდევ ერთი სავარაუდო მიზეზია მოძრაობის დადგენილი სიჩქარის გადაჭარბება. სიჩქარის გადაჭარბების შედეგად 168 ავტოსაგზაო შემთხვევა მოხდა, რასაც 31 ადამიანი ემსხვერპლა, 293 კი დაშავდა.
დისტანციის დაუცველობა 107 ავტოსაგზაო შემთხვევის გამომწვევი მიზეზი გახდა. დაიღუპა 4 და დაშავდა 154 ადამიანი.
ქ/მ გადასასვლელის გავლის წესების დარღვევის შედეგად მოხდა 87 ავარია, დაიღუპა 14 და დაშავდა 78 ადამიანი.
