საქართველოში ავტომობოლის შეძენის მსურველთა რაოდენობა ყოველდღიურად იზრდება. არის შემთხვევები, როცა პიროვნებას სასურველი მანქანის შესაძენად საჭირო თანხა აქვს, თუმცა ხშირად ვაწყდებით ისეთ სიტუაციას, როცა ამისათვის ფინანსები არ გაგვაჩნია. ასეთ შემთხვევებში თანხის მისაღებად კარგი საშუალებაა ავტო ლიზინგი.
ავტო ლიზინგი, როგორც სერვისი, საქართველოში რამდენიმე წელიწადია არსებობს. ეს სერვისი გაძლევთ საშუალებას, რომ შეიძინოთ ავტომობილი და თანხა ნელ-ნელა, ყოველთვიურად დაფაროთ.
ავტოლიზინგის ერთ-ერთი მთავარი უპირატესობა ის არის, რომ თქვენ შეგეძლებათ მანქანა იმ დროსაც მართოთ, როცა სესხი ბოლომდე დაფარული არ გექნებათ. სხვადასხვა კრედიტორი კომპანიები ცდილობენ მომხმარებელს მაქსიმალურად კომფორტული გარემო შეუქმნან და ხშირ შემთხვევაში სწორედ კლიენტი ირჩევს სესხის დაფარვის მისთვის ყველაზე მოსახერხებელ გრაფიკს.
კრედიტის ოდენობა განისაზღვრება ავტომობილის მარკით, წლოვანებით, მისი არსებული მდგომარეობით. ყველა კომპონენტს სალიზინგო კომპანიაში მომუშავე ექსპერტები აფასებენ, რის შემდეგაც საბოლოო სურათი დგება.
უკვე აღვნიშნეთ, რომ ავტოლიზინგი საკმაოდ მარტივი პროცედურაა და საშუალოდ, მომხმარებელს შეუძლია ერთ დღეში სასურველი ავტომობილი შეიძინოს. ამ სერვისით სარგებლობა შეუძლიათ იმ პირებს, რომლებიც 21 წლიდან 65 წლამდე პირებს შეუძლიათ. გასათვალისწინებელია ის, რომ მომხმარებელმა საფინანსო ორგანიზაციაში ბოლო 6 თვის სახელფასო ამონაწერი უნდა წარადგინოს.
რა განსხვავებაა ავტო ლიზინგსა და ავტო სესხს შორის?
ავტოლიზინგით სარგებლობისას სესხის უზრუნველყოფა ხდება შესაძენი მანქანით, ხოლო ავტო სესხით სარგებლობისას გირავნობაში უძრავ ქონებას დებთ.
ასევე, სხვადასხვა საფინანსო ორგანიზაციები მომხმარებლებს სთავაზობენ ავტო ლომბარდის სერვისს. ავტოლომბარდი ავტო ლიზინგისაგან განსხვავებული სერვისია.
ავტოლომბარდის გამოყენებისას, თანხას საკუთარი ავტომობილის საშუალებით იღებთ. მომხმარებელს შეუძლია შეავსოს განაცხადი როგორც ონლაინ, ისე ფილიალში მისვლით, კრედიტს კი მანქანის უზრუნველყოფით იღებთ. ეს ძალიან სწრაფი პროცესია და საშუალოდ, მის შესრულებას მხოლოდ ერთი საათი სჭირდება. სესხის მიღების მსურველმა აუცილებლად უნდა გაითვალისწინოს ის, რომ თუ თანხის გადახდას ვერ მოახერხებს, მანქანის მფლობელი კრედიტორი კომპანია გახდება, რომელსაც შეეძლება ის გაყიდოს.
ავტოლომბარდს არაერთი უპირატესობა გააჩნია, რომელთა შორის ერთ-ერთი მანქანის ტარების უფლებაა. ეს იმას ნიშნავს, რომ მაშინ, როცა სესხი ჯერ კიდევ დაფარული არ გაქვთ, შეგიძლიათ ავტომობილი მართოთ. სესხის მისახებად მინიმალური მოთხოვნების დაკმაყოფილებაა საჭირო, პროცედურა კი, როგორც უკვე ვახსენეთ, საკმაოდ სწრაფი და მარტივია. თუ ონლაინ დოკუმენტების შევსებას ვერ ახერხებთ, შეგიძლიათ მიბრძანდეთ რომელიმე ორგანიზაციის ფილიალში და მათი წარმომადგენლები დაგეხმარებიან.
კომპონენტები, რომლებსაც ავტოლომბარდით სარგებლობისას ყურადღება უნდა მიაქციოთ:
- გადახდის გრაფიკი – ეცადეთ გადახდის გრაფიკი შეარჩიოთ ისე, რომ კრედიტი ყოველთვიურად თქვენთვის მოსახერხებელ დროს დაფაროთ;
- ჯარიმის ოდენობა – ყურადღება მიაქცეთ იმას, თუ რამდენს შეადგენს ჯარიმა. არის შემთხვევები, როცა მომხმარებელი კონკრეტულ ვადაში კრედიტს ვერ ფარავს, რის შემდეგაც ჯარიმდება.
- სესხის გაცემის საკომისიო – კომპანიებს სესხის გაცემისას განსხვავებული საკომისიო გააჩნიათ, ამიტომაც სასურველი კრედიტორის შერჩევისას ამას ყურადღება უნდა მიაქციოთ;
- ხელშეკრულების პირობები – ხშირად მომხმარებლები ხელშეკრულებებს არ ეცნობიან. მომავალში გაუთვალისწინებელი პრობლემის ასარიდებლად თავიდანვე ყურადღებით გაეცანით პირობებს.
ყველაზე მნიშვნელოვანია ის, რომ კომპანიების უმეტესობა ცდილობს, მომხმარებელმა თავი მაქსიმალურად კომფორტულად იგრძნოს და სხვადასხვა სერვისების გამოყენებისას სესხის მიღების მსურველს მასზე მორგებული გადახდის გრაფიკი შესთავაზოს.
სესხისათვის საჭირო პროცედურის ონლაინ გავლის შემთხვევაში, ყურადღება უნდა მიაქციოთ იმას, რომ შესაძლებელია შაბათ-კვირას თქვენი არჩეული კომპანია არ მუშაობდეს. შესაბამისად, ასეთ შემთხვევაში, თუ განაცხადს შაბათს ან კვირას გააგზავნით, ორშაბათამდე მოგიწევთ მოცდა.
Finpanda-ს საშუალებით, შეგიძლიათ გაეცნოთ სხვადასხვა კრედიტორი კომპანიის შემოთავაზებებს, რის შემდეგაც გაგიადვილდებათ არჩევანის გაკეთება.
(R)
