ტესტირება COVID-19-ის პანდემიის მართვის აუცილებელი კომპონენტია, რადგან მნიშვნელოვანია ინფიცირებულთა დროული გამოვლენა, იზოლირება, გადაცემის ჯაჭვის გაწყვეტა და ინფექციის გავრცელების შეკავება;
ამასთანავე, “ომიკრონი” წარმოადგენს სერიოზულ საფრთხეს ქრონიკული პათოლოგიის მქონე, პირებისათვის, ხანდაზმულებისათვის, ვაქცინაციის დაბალი პროცენტული მოცვის მქონე ჩვენი ქვეყნისათვის.
რომელი ორგანიზაციის მიერ არის რეკომენდებული ტესტირება
_ ჯანმრთელობის მსოფლიო ორგანიზაციის რეკომენდაციით, ინფიცირებულთა გამოვლენისათვის მნიშვნელოვანია როგორც PCR კვლევა (ტესტირების ოქროს სტანდარტი), ასევე ანტიგენის სწრაფი ტესტირება
სად უნდა ჩაიტარონ ტესტირება მოქალაქეებმა
_ მოქალაქეებმა ტესტირებისთვის უნდა მიმართონ სახელმწიფო პროგრამაში ჩართულ სამედიცინო დაწესებულებებს, სადაც უფასოდ ჩაუტარდებათ ტესტირება ანტიგენის სწრაფი ტესტით;
სიმპტომიან პაციენტებს რომლებსაც ანტიგენის სწრაფი ტესტით არ დაუდასტურდებათ COVID-19 ინფექცია, უფასო დამატებითი ტესტირება PCR მეთოდით ჩაუტარდებათ ოჯახის ექიმის დასკვნის საფუძველზე
რა არის იზოლაცია და ვის რა ვადით ეხება ის
_ იზოლაცია არის შემზღუდველი ღონისძიება, რომელიც ეხება ინფიცირებულ ადამიანს.
კორონა-ინფიცირების შემთხვევაში იზოლაცია ეხება ყველა ადამიანს, ვისაც ლაბორატორიულად დადასტურებული აქვს “კოვიდ-19” ინფიცირება.
აგრეთვე იმ პირებს, რომლებსაც ლაბორატორიული კვლევის დადებითი პასუხი არა აქვთ, მაგრამ აღენიშნებათ კოვიდ-სიმპტომატიკა.
კიდევ ერთხელ დავკონკრეტდეთ!
განსხვავებული რეგულაციის წესები მოქმედებს:
სტრატეგიული დანიშნულების დაწესებულებებში დასაქმებული პირებისთვის, როგორიცა:
- სამედიცინო დაწესებულებები;
- ზოგადსაგანმანათლებლო დაწესებულებები;
- შინაგან საქმეთა, იუსტიციისა და თავდაცვის სამინისტროების სისტემები;
- სახელმწიფო უსაფრთხოების სამსახური;
- საქართველოს პროკურატურის სისტემა;
- ფინანსთა სამინისტროს სსიპ შემოსავლების სამსახური და ფინანსთა სამინისტროს საგამოძიებო სამსახური.
COVID-19-ის ასიმპტომური და მსუბუქი მიმდინარეობისას, აღნიშნულ დაწესებულებებში დასაქმებული პირებისთვის, პერსონალის დეფიციტის შემთხვევაში, დამსაქმებლის მითითების გათვალისწინებით, იზოლაცია სრულდება ინფიცირების დადასტურებიდან მე-6 დღეს.
იზოლაციის დასრულებისათვის აუცილებელია სწრაფი ტესტის უარყოფითი პასუხი.
ამასთან სიმპტომების ალაგებიდან გასული უნდა იყოს სულ მცირე 24 საათი.
ყველა სხვა ასიმპტომური ან მსუბუქი პაციენტებისთვის იზოლაცია სრულდება Covid-19-ის დადასტურებიდან 7 კალენდარული დღის შემდეგ.
ამ შემთხვევაში, არ არის საჭირო ტესტის უარყოფითი პასუხი.
ამასთან მსუბუქი სიმპტომების ალაგებიდან გასული უნდა იყოს სულ მცირე 24 საათი.
იზოლაციის დასრულებიდან 5 დღე ნიღბის ტარება კვლავ მკაცრად რეკომენდირებულია.
იზოლაციის დასრულების შესახებ გადაწყვეტილებას, პაციენტის ჯანმთელობის მდგომარეობიდან გამომდინარე, იღებს მისი ექიმი.
რა არის კარანტინი და რა ვადებია დადგენილი ახალი რეგულაციებით
_ კარანტინი არის შემზღუდველი ღონისძიება, რომელიც ეხება კონტაქტირებულ პირებს.
კარანტინის ვადები მცირდება COVID-19-ით დაავადებულთან კონტაქტირებული, არავაქცინირებული და არასრულად ვაქცინირებული პირებისთვისაც. ამ შემთხვევაში, კარანტინის ვადა 8 დღის ნაცვლად განისაზღვრება 5 დღით.
იგივე ვრცელდება, ბუსტერ დოზის არმქონე პირებისთვის, თუ ვაქცინის მე-2 დოზის მიღებიდან გასულია 90 დღეზე მეტი.
ასევე კარანტინის აღნიშნული წესები ვრცელდება პირებზე, ვისაც კოვიდის ინფექციის გადატანიდან გაუვიდა 60 დღიანი პერიოდი.
ვის არ ეხება კარანტინი
_ კარანტინს არ ექვემდებარებიან,
- ბუსტერ დოზით ვაქცინირებულ პირები;
- სრულად ვაქცინირებული პირები, ვაქცინის მეორე დოზის მიღებიდან 14-90 დღის განმავლობაში;
- ასევე პირები, კოვიდის ინფექციის გადატანიდან 60 დღის განმავლობაში.
