საქართველოს ადვოკატთა ასოციაციის თავმჯდომარის, ზაზა ხატიაშვილის ოჯახის საკუთრებაში ბინა, საცხოვრებელი სახლი და ავტოფარეხია. ამის შესახებ ხატიაშვილის ქონებრივ დეკლარაციაში წერია, რომელიც მან 2017 წლის 28 მარტს შეავსო. დეკლარაციის თანახმად, ზაზა ხატიაშვილი ფლობს 2003 წელს, 5700,00-ლარად ნაყიდ, 39,00 კვ.მ-ის ფართობის ბინას თბილისში, რუსთაველის გამზირზე და 2009 წელს, 21000-ლარად შეძენილი მსუბუქი ავტომანქანა TOYOTA Corolla.
ხოლო მისი მეუღლის, ირმა ჩაფიძის საკუთრებაშია 2001 წელს, 7000-ლარად ნაყიდი საცხოვრებელი სახლი თბილისში, ვაზისუბანი, მე-2 მიკრორაიონში და ამავე წელს, ამავე მისამართზე 1000-ლარად შეძენილი 25,00 კვ.მ-ის ფართობის ავტოფარეხი.
რაც შეეხება ოჯახის ფინანსურ მდგომარეობას, როგორც დეკლარაციაშია აღნიშნული, გასულ წელს ოჯახის საერთო შემოსავალი 47 275 ლარი იყო.
აქედან, ზაზა ხატიაშვილმა სსიპ-საქართველოს ადვოკატთა ასოციაცია თავმჯდომარის პოსტიდან 42000,00 ლარი, ხოლო ირმა ჩაფიძემ საქართველოს პარლამენტიდან, (პარლამენტარ გოგი ქავთარაძის ბიუროს თანამშრომელი 01.01.2016 18.11.2016) 5275,00 ლარი მიიღო.
რაც შეეხება წინა წლების შემოსავლებს, როგორც საჯარო ინფორმაციის ვებ-გვერდზე განთავსებული ქონებრივი დეკლარაციებიდან ირკვევა, 2015 წელს, ზაზა ხატიაშვილის ოჯახის შემოსავალი ჯამში 57 960 ლარი იყო. აქედან, მან ადვოკატთა ასოციაციის თავმჯდომარეობისთვის 42 000 ლარი აიღო. ხოლო მისმა მეუღლემ, ირმა ჩაფიძემ პარლამენტარ გოგი ქავთარაძის ბიუროს თანამშრომლის პოსტიდან – 6000.00 ლარი, საქართველოს განათლებისა და მეცნიერების სამინისტროს იურისტის (ხელშეკრულებით) თანამდებობიდან – 9960.00 ლარი.
2014 წლის დეკლარაციაში აღნიშნულია, რომ ოჯახის საერთო შემოსავალი 43 875 ლარი იყო. ქედან ზაზა ხატიაშვილმა ადვოკატთა ასოციაციის თავმჯდომარის პოსტიდან – 42 000 ლარი, ირმა ჩაფიძემ კი, გოგი ქავთარაძის თანაშემწის პოსტიდან – 1875.00 ლარი მიიღო.
რაც შეეხება 2013 წლის შემოსავლებს, ზაზა ხატიაშვილმა საქართველოს ადვოკატთა ასოციაციის თავმჯდომარის პოსტიდან – 42500.00 ლარი, ხოლო ირმა ჩაფიძემ გაზეთიდან „ქართული ოცნება“, სადაც მას ჟურნალისტის პოზიცია ეკავა _ 4375.00 ლარი მიიღო.
2017 წლის მარტში, დეკლარაციის შევსების მომენტში, ზაზა ხატიაშვილს 5200,00 ევროს დანაზოგი ნაღდი ფულის სახით ჰქონდა; ვი–თი–ბი ბანკის სახელფასო ანგარიშზე კი, 86,23 ლარი ერიცხებოდა. ირმა ჩაფიძეს კი, თი–ბი–სი ბანკის სახელფასო ანგარიშზე 341,00 ლარი ჰქონდა.
ამავე დეკლარაციის მიხედვით, ზაზა ხატიაშვილის ვი თი ბი ბანკიდან პირადი საჭიროებისთვის 2014 წლიდან 2016 წლამდე სესხი ჰქონია აღებული, რისი პროცენტის დასაფარადაც გასულ წელს 6120,00 ლარი გადაუხდია.
შვილების, ლუკა და მერი ხატიაშვილის სწავლისთვის კი, 9500,00 და 3500,00 ლარი აქვს გადახდილი.
