როგორც უკვე ვწერდით, გარემოსდაცვითი ზედამხედველობის დეპარტამენტის დასავლეთ სამმართველოს გურიის გარემოსდაცვითი სწრაფი რეაგირების სამსახურში მეორე დღეა სახელწმიფო უსაფრთხოების სამსახურის თანამშრომლები იმყოფებიან.
როგორც “გურია ნიუსს” უთხრეს, სუს-ის ანტიკორუფციული სააგენტოს თანამშრომლების გამოძიებას რამდენიმე მუხლით აწარმოებენ:
“უკანონო სამეწარმეო საქმიანობა 192-ე მუხლის პირველი ნაწილით; წიაღისეულით უკანონო სარგებლობა 299-ე მუხლის პირველი ნაწილით; სამსახურებრივი უფლებამოსილების ბოროტად გამოყენება 332-ე მუხლის პირველი ნაწილით და ქრთამის აღება 338-ე მუხლის პირველი ნაწილით”, _ გვითხრეს სახელმწიფო უსაფრთხოების სამსახურში.
მათივე ინფორმაციით, ამ დროისთვის დაკავებული არავინაა და მიმდინარეობს საგამოძიებო მოქმედებები.
ამავე თემაზე იხილეთ: კორუფციული სქემა და ფინანსური მაქინაციები _ რას სწავლობს ანტიკორუფციული სამსახური ოზურგეთში
