საჯარო სამსახურის ბიუროს ვებგვერდზე, ჩოხატაურის მერის, დავით შარაშიძის დეკლარაცია გამოქვეყნდა. მერმა ახალი დეკლარაცია 28 მარტს ჩააბარა.
გასული წლის მონაცემებთან შედარებით, წელს ჩოხატაურის მერის დეკლარაციაში ცვლილებებია. კერძოდ, მონაცემებში აისახა მერის შვილი, დავით შარაშიძე, რომელიც 2019 წლის 15 აგვისტოს დაიბადა.
დეკლარაციაში ასევე ასახულია ის შენობა-ნაგებობები, რაც ოჯახის წევრებს მემკვიდრეობით აქვთ მიღებული.
კერძოდ, მერის ბებიას, ცისანა გოგოლაძეს დაბა ჩოხატაურში, რუსთაველის ქუჩაზე 69 კვ.მ-ის კომერციული ფართი 2019 წლის იანვარში მემკვიდრეობით აქვს მიღებული. ის 100%-ის მფლობელია.
გარდა ამისა, დავით შარაშიძეს მემკვიდრეობით აქვს მიღებული 2018 წლის 5 თებერვალს კომერციული ფართი, ჩოხატაურში, რუსთაველის N 2ა, 100 კვ.მ-ის ფართობის. დავით შარაშიძის სახელზე ასევე ფიქსირდება 2018 წლის 5 თებერვალს, მემკვიდრეობით მიღებული კომერციული ფართი ჩოხატაურში, რუსთაველის ქუჩაზე, რომლის ფართობიცაა 50 კვ.მ. დავით შარაშიძეს ასევე მემკვიდრეობით აქვს მიღებული 2019 წლის 18 ოქტომბერს, 4000 კვ.მ. მიწის ნაკვეთი კოსტავას 17 ნომერში. საერთო ფართი 954,80 კვ.მ; გაშენების ფართი 980 კვ.მ; სართულიანობა 1; N2; N3.
რაც შეეხება საცხოვრებელ სახლს, რომლის მემკვიდრეობით მიღების თარიღადაც 2022 წლის 4 აგვისტო სახელდება და რუსთაველის ქუჩის 3 ნომერში მდებარეობს, ფართი კი 1200 კვ.მ-ია, 50% ცისანა გოგოლაძეს, ხოლო 50% დავით შარაშიძის საკუთრებაშია.
დავით შარაშიძის სახელზე ფიქსირდება ტოიოტას მარკის ავტომობილიც, რომელიც 2022 წლის 22 ნოემბერს 18 000 ლარადაა შეძენილი. აქამდე მერი 2021 წლის 13 მაისს 25 000 ლარად შესყიდული mersedese benz E350-ით გადაადგილდებოდა.
რაც შეეხება დავით შარაშიძის საბანკო ანგარიშებს, ჩოხატაურის მერს, “საქართველოს ბანკის” საკრედიტო ანგარიშზე, 34636,12 GEL (-), “თი–ბი–სი ბანკში ანაბარი 19993,15 GEL, “თი–ბი–სი ბანკი” მიმდინარე ანგარიშზე 44, 29 GEL, “თი–ბი–სი ბანკი” საკრედიტო ანგარიშზე 12017 GEL (-), სვის კაპიტალი მიმდინარე ანგარიშზე 20000 GEL (-) აქვს.
რაც შეეხება სამუშაოს შესრულებით წინა წლის პირველი იანვრიდან 31 დეკემბრის ჩათვლით მიღებული შემოსავალს, დავით შარაშიძეს 47757,6 GEL აქვს აღებული, ხოლო ცისანა გოგოლაძეს, რომელიც კლინიკა მედალფას განყოფილების გამგეა,12000 GEL.
რაც შეეხება წინა წლის პირველი იანვრიდან 31 დეკემბრის ჩათვლით პერიოდში, დავით შარაშიძეს შემოსავლის სახით აქვს მიღებული იჯარა 42 000 GEL.
