გამოქვეყნდა რეზოლუციის პროექტი, რომელსაც ევროპარლამენტში დღეს უყრიან კენჭს.
ევროპარლამენტი, რეზოლუციის პროექტით, გამოხატავს „სერიოზულ შეშფოთებას საქართველოში ბოლო წლის განმავლობაში დემოკრატიის ექსპონენციური უკუსვლის გამო“.
გმობს „აგენტების კანონს“, „ოჯახური ღირებულებების“ ჰომოფობიურ კანონს, ასევე, საარჩევნო კოდექსში ცვლილებებს – და ხაზს უსვამს, რომ ეს ცვლილებები კანონმდებლობაში „არ შეესაბამება ევროპული ღირებულებებს“.
ხაზს უსვამს, რომ „ამ კანონების გაუქმების გარეშე არ იქნება პროგრესი ევროკავშირის გზაზე“.
ევროპარლამენტი „წუხს, რომ საქართველოში, – რომელიც ოდესღაც დემოკრატიული პროგრესისა და ევროატლანტიკური მისწრაფებების ჩემპიონი იყო, – საკმაოდ დიდი ხანია, დემოკრატია თავისუფალ ვარდნაშია“.
პარლამენტი მოუწოდებს ევროკომისიასა და ევროკავშირის წევრ ქვეყნებს, გამოიკვლიონ ამ დემოკრატიული უკანდახევის შედეგები როგორ მოქმედებს მათი, როგორც დონორის როლზე, – და აცნობონ საქართველოს მთავრობას და პარლამენტს ამ შესაძლო ზემოქმედების შესახებ.
ის ასევე გამოდის მოწოდებით, ევროკავშირმა გაყინოს ყველანაირი დაფინანსება აღნიშნული არადემოკრატიული კანონების გაუქმებამდე და მკაცრი პირობები დააწესოს, სანამ სამომავლო დაფინანსებას გასცემს.
რეზოლუციის პროექტით, ევროპარლამენტი გამოხატავს შეშფოთებას პოლიტიკური პლურალიზმის წინააღმდეგ ხელისუფლების რიტორიკით გამოწვეული სიძულვილისა და დაშინების კლიმატის გამო;
გმობს „ოლიგარქ ბიძინა ივანიშვილისა და ხელისუფლების წამყვანი ფიგურების კომენტარებს, რომლებიც ემუქრებიან ოპოზიციური პარტიების აკრძალვით“.
იგი ასევე მოუწოდებს საქართველოს, „საფუძვლიანად გამოიძიოს მშვიდობიანი მომიტინგეების მიმართ პოლიციის სისასტიკე გაზაფხულის საპროტესტო აქციების დროს“.
რეზოლუციის პროექტით, ევროპარლამენტი განმეორებით მოუწოდებს ევროკომისიას, დროულად შეაფასოს არამხოლოდ „აგენტების კანონის“, არამედ „ოჯახური ღირებულებების კანონმდებლობისა“ და სხვა საკანონმდებლო ცვლილებების გავლენა საქართველოს მიერ სავიზო ლიბერალიზაციის კრიტერიუმების შესრულებაზე, განსაკუთრებით, ფუნდამენტური უფლებების ნაწილში, „რაც ევროკავშირთან სავიზო ლიბერალიზაციის პოლიტიკის უმნიშვნელოვანესი კომპონენტია“.
რეზოლუციის პროექტით, ევროპარლამენტი გამოხატავს შეშფოთებას პოლიტიკური პლურალიზმის წინააღმდეგ ხელისუფლების რიტორიკით გამოწვეული სიძულვილისა და დაშინების კლიმატის გამო;
გმობს „ოლიგარქ ბიძინა ივანიშვილისა და ხელისუფლების წამყვანი ფიგურების კომენტარებს, რომლებიც ემუქრებიან ოპოზიციური პარტიების აკრძალვით“.
იგი ასევე მოუწოდებს საქართველოს, „საფუძვლიანად გამოიძიოს მშვიდობიანი მომიტინგეების მიმართ პოლიციის სისასტიკე გაზაფხულის საპროტესტო აქციების დროს“.
რეზოლუციის პროექტი „გმობს საქართველოს ოლიგარქის, ბიძინა ივანიშვილის პირად როლს მიმდინარე პოლიტიკური კრიზისის ორკესტრირებაში და ქვეყნის ევრო-ატლანტიკური ტრაექტორიის ძისი გამოთხრასა და რუსეთთან დაახლოების მცდელობაში“.
ამავე პუნქტში იგი იმეორებს მოწოდებას, დაუწესდეს პერსონალური სანქციები ივანიშვილს.
ერთ-ერთი პუნქტი მოუწოდებს ევროკავშირსა და წევრ ქვეყნებს, „პასუხისმგებლობის დაკისრების მიზნით, პერსონალური სანქციები დაუწესონ ყველა იმ პირს, ვინც:
პასუხისმგებელია საქართველოში დემოკრატიისათვის ძირის გამოთხრაზე,
პოლიტიკური ოპონენტების და მშვიდობიანი მომიტინგეების წინააღმდეგ ძალადობაზე,
ანტიდასავლური დეზინფორმაციის გავრცელებაზე“.
რეზოლუციის პროექტში ევროპარლამენტი გამოთქვამს „შეშფოთებას იმის გამო, რომ „ქართული ოცნების“ ბევრი საკანონმდებლო წინადადება ღალატობს ქართველი ხალხის დიდი უმრავლესობის მისწრაფებებს“.
იგი „ხაზს უსვამს, რომ გამოხატვისა და შეკრების თავისუფლებისა და მშვიდობიანი პროტესტის უფლება არის ფუნდამენტური თავისუფლებები და დაცული უნდა იყოს ნებისმიერ ვითარებაში, განსაკუთრებით ქვეყანაში, რომელსაც სურს ევროკავშირში გაწევრიანება“.
ასევე, „ხაზს უსვამს, რომ საზოგადოებრივი „მოდარაჯის“ როლი, რომელსაც ახორციელებს სამოქალაქო საზოგადოება და დამოუკიდებელი მედია, არსებითია დემოკრატიული საზოგადოებისთვის და გადამწყვეტია ევროკავშირში გაწევრიანებასთან დაკავშირებული რეფორმების წინსვლისთვის და, შესაბამისად, მოუწოდებს საქართველოს ხელისუფლებას ყველაფერი გააკეთოს იმისათვის, რომ უზრუნველყოს ხელსაყრელი გარემო, რომელშიც სამოქალაქო საზოგადოება და მედია დამოუკიდებელია და თავისუფლად მუშაობს“.
ევროპარლამენტი ამ რეზოლუციით იხსენებს, რომ 2023 წლის დეკემბერში ევროპულმა საბჭომ საქართველოს მიანიჭა კანდიდატის სტატუსი „იმ დათქმით, რომ შეასრულებდა ევროკომისიის რეკომენდაციებს“.
რეზოლუციის იგივე პროექტი ხაზს უსვამს, რომ საქართველოს მიერ ბოლო პერიოდში მიღებული საკანონმდებლო აქტები „აშკარად ეწინააღმდეგება ამ ამბიციას“ და ამან „შეაჩერა საქართველოს ევროკავშირში ინტეგრაცია“.
საუბარია, ძირითადად, „აგენტების კანონზე“, ასევე ანტი-ლგბტ კანონმდებლობაზე.
ევროპარლამენტი, თუკი ამ რეზოლუციას მიიღებს, კიდევ ერთხელ მოუწოდებს ევროკავშირის სტრუქტურების ხელმძღვანელებს, „შეახსენონ საქართველოს მთავრობას მათ მიერ აღებული ვალდებულებები და ის ღირებულებები და პრინციპები, რომელთა ერთგულების პირობაც მან დადო ევროკავშირში გაწევრიანებაზე განაცხადის დროს“.
რეზოლუცია ხაზს უსვამს „იმ ხელშესახებ შესაძლებლობებს, რომლებითაც საქართველო ისარგებლებს გაწევრიანების მოლაპარაკებების დაწყებისთანავე, როგორიცაა გაწევრების წინა დახმარება, რომელიც აუმჯობესებს საქართველოს მოქალაქეების ცხოვრების დონეს, მაგრამ ასევე მხარს უჭერს ინსტიტუტებს, ინფრასტრუქტურასა და სოციალურ სერვისებს“.
ევროპარლამენტი, რეზოლუციის პროექტით, „შეშფოთებულია“ დიასპორის მოწოდებების მიუხედავად საზღვარგარეთ საარჩევნო უბნების „შეზღუდული რაოდენობის“ გახსნის გამო.
ამრიგად, რეზოლუციის პროექტის თანახმად, „საზღვარგარეთ მცხოვრები ქართველების უმრავლესობას საარჩევნო უფლება ერთმევა;
ევროპარლამენტი, რეზოლუციის პროექტით, მოუწოდებს ხელისუფლებას, უზრუნველყოს, რომ 2024 წლის ოქტომბრის საპარლამენტო არჩევნები „შეესაბამებოდეს უმაღლეს საერთაშორისო სტანდარტებს“.
პარლამენტი იზიარებს ვენეციის კომისიის მიერ გამოთქმულ შეშფოთებას საქართველოში არჩევნების საკანონმდებლო ბაზაში და საარჩევნო კოდექსში ცვლილებების მიღებასთან დაკავშირებით.
„საარჩევნო კოდექსში შეტანილი ცვლილებები დიდ გავლენას მოახდენს საარჩევნო ადმინისტრაციის მიუკერძოებლობისა და სამართლიანობის აღქმასა და მის მიმართ ნდობაზე“.
გარდა ამისა, გაკრიტიკებულია ანტიკორუფციული ბიუროს პირველი გადაწყვეტილება „საერთაშორისო გამჭვირვალობა – საქართველოსათვის“ გაცხადებული საარჩევნო მიზნის მქონე ორგანიზაცია გამოცხადებასთან დაკავშირებით.
აღნიშნავს, რომ „მნიშვნელოვანი საერთაშორისო გამოხმაურების ფონზე, როდესაც ეჭვქვეშ დადგა მოახლოებული არჩევნების ლეგიტიმურობა, საქართველოს პრემიერ-მინისტრმა „ურჩია“ ბიუროს, გაეუქმებინა საკუთარი გადაწყვეტილება“. რეზოლუციის პროექტით, ეს ასევე აჩენს კითხვებს ანტიკორუფციული ბიუროს (ACB) პოლიტიკურ ნეიტრალიტეტთან დაკავშირებით.
ევროპარლამენტი, რეზოლუციის პროექტით, გმობს „ქართული ოცნების“ მიერ 2024 წლის ოქტომბრის არჩევნების წინასაარჩევნო კამპანიაში „ქართული ოცნების“ მიერ უკრაინის ომის ამსახველი მძიმე ფოტოების გამოყენებას ადამიანთა მანიპულირების, დეზინფორმაციისა და პრორუსული და ანტიუკრაინული განწყობის გავრცელების მიზნით“.
საუბრია თბილისში 26 სექტემბრის შემდეგ გამოჩენილ საარჩევნო ბანერებზე, წარწერით: „არა ომს, აირჩიე მშვიდობა“. ზოგ ბანერზე მარცხენა მხარეს გამოსახულია უკრაინის დონეცკის ოლქის სოფელ ბოგოროდიჩნეში დაბომბვის შედეგად განადგურებული ტაძარი, მარჯვნივ კი – თბილისის სამების ტაძარი.
რეზოლუციის პროექტის ერთ-ერთი პუნქტში ევროპარლამენტი ამბობს, რომ მოელის, „ქართული ოცნება“ პატივს სცემს მომავალ საპარლამენტო არჩევნებზე ქართველი ხალხის გამოხატულ ნებას. ასევე, მოელის, რომ „ქართული ოცნება“ უზრუნველყოფს ხელისუფლების მშვიდობიან გადაბარებას“.
ევროპარლამენტი, რეზოლუციის პროექტით, გამოხატავს „ღრმა შეშფოთებას საქართველოში რუსეთის გაზრდილი გავლენის გამო“.
ამის მაგალითებად დასახელებულია „რუსეთიდან გაზრდილი იმიგრაცია, გაზრდილი სავაჭრო კავშირები და რუსეთთან შერიგების სურვილი“, – „მიუხედავად უკრაინაში მისი ინტერვენციისა და საქართველოს სუვერენული ტერიტორიის მეხუთედის ოკუპაციისა“.
რეზოლუციის პროექტის, ევროპარლამენტი მოუწოდებს საქართველოს მთავრობას,
დააწესოს სანქციები რუსეთის წინააღმდეგ უკრაინის წინააღმდეგ აგრესიული ომის საპასუხოდ;
გააგრძელოს ოკუპირებული ტერიტორიების არაღიარების პოლიტიკა
პატივი სცეს ვალდებულებას, ეფექტიანად განახორციელოს ზომები ევროპული სანქციების გვერდის ავლის თავიდან ასაცილებლად;
მოუწოდებს საქართველოს მთავრობას სრულად შეუერთდეს ევროკავშირის საგარეო პოლიტიკას და ევროკავშირის სტრატეგიას რუსეთის მიმართ.
გარდა ამისა, ეს არის პირველი შემთხვევა დამოუკიდებელი საქართველოს ისტორიაში, როდესაც ევროპარლამენტი საქართველოს მთავრობას მოუწოდებს რუსეთის მიერ ოკუპირებული თავისივე ტერიტორიის არაღიარების პოლიტიკის ერთგული დარჩეს.
ევროპარლამენტი, რეზოლუციის პროექტით, „მტკიცედ იმეორებს სასწრაფო მოთხოვნას მიხეილ სააკაშვილის დაუყონებლივ და უპირობო გათავისუფლების შესახებ“. ეს მოთხოვნად დასაბუთებულია „ჰუმანიტარული მიზნებიდან და საზღვარგარეთ სამკურნალოდ გადაყვანის მიზნებიდან გამომდინარე“;
ევროპარლამენტის პროექტი ხაზს უსვამს, რომ „საქართველოს მთავრობა ეკისრება სრულ და უდავო პასუხისმგებლობას ყოფილი პრეზიდენტის მიხეილ სააკაშვილის სიცოცხლეზე, ჯანმრთელობაზე, უსაფრთხოებაზე და კეთილდღეობაზე“.
რეზოლუციის პროექტის ერთ-ერთი ბოლო პუნქტი ეხება საჯარო ინფორმაციაზე დაწესებულ შეზღუდვებს.
