“რა უნდა იფიქრონ სხვა ქვეყნებმა?” – ალიევი დასავლეთს აკრიტიკებს

აზერბაიჯანის პრეზიდენტი აკრიტიკებს დასავლეთის ქვეყნებს COVID-19 ვაქცინების უსამართლო განაწილების გამო.

Anadolu-ს ინფორმაციით, ილჰამ ალიევმა აზერბაიჯანის სახელმწიფო ტელევიზიას განუცხადა, რომ ზოგიერთ ქვეყანას შორის კრიზისი COVID-19 ვაქცინებთან დაკავშირებით შემაშფოთებელია.

რაც შეეხება დიდ ბრიტანეთსა და ევროკავშირს შორის არსებულ კრიზისს, ალიევმა თქვა, რომ ევროკავშირმა დაადანაშაულა დიდი ბრიტანეთი მათ მიერ წარმოებული ვაქცინების უსამართლო განაწილებაში.

„ითქვა, რომ ვაქცინაცია ჩაუტარდა ბრიტანეთის მოქალაქეთა 13%-ს და ევროკავშირის მოქალაქეთა 2%-ს. ამ შემთხვევაში, მოსახლეობის 75% აიცრება დიდ ბრიტანეთში ივლისამდე და ევროკავშირში ოქტომბრამდე.

რა უნდა იფიქრონ სხვა ქვეყნებმა, თუ განვითარებულმა ქვეყნებმა ვერ შეძლეს ამ ვაქცინების სამართლიანად გაზიარება? ვინ დაეხმარება ღარიბ ქვეყნებსა და განვითარებადი ქვეყნების ხალხს? ამაზე არავინ ფიქრობს. ასეთი მოწოდება არ მსმენია მრავალი განვითარებული ქვეყნის ლიდერებისგან ”, – თქვა მან.

აზერბაიჯანი გააგრძელებს ხმის ამაღლებას ამ საკითხზე, – თქვა ალიევმა და დასძინა, რომ ბრძოლა ვაქცინაციისთვის შეიძლება გაიზარდოს და ძალიან ტრაგიკული შედეგები მოჰყვეს.

მისი თქმით, ვაქცინებისთვის ბრძოლა, განსაკუთრებით მდიდარ ქვეყნებს შორის, უარყოფითად მოქმედებს ვაქცინების მწარმოებლებზე. ალიევმა  ხაზგასმით აღნიშნა, რომ ამ სიტუაციამ ქვეყნებს შორის უნდობლობა გაზარდა.