რა უნდა ვიცოდეთ მილების გაწმენდის შესახებ

რა ტიპის სერვისები არსებობს?

როგორც უკვე ვახსენეთ, კანალიზაციის გაჭედვა სხვადასხვა გარემოებამ შეიძლება გამოიწვიოს, ამიტომაც ერთმანეთისგან განსხვავდება კანალიზაციის გაწმენდის სერვისებიც. ქვევით რამდენიმე მათგანს განვიხილავთ.

სამზარეულოს მილის გაწმენდა

ხშირია შემთხვევები, როცა სამზარეულოს ნიჟარაში წყალი შეფერხებით გაედინება, გუბდება და არასასიამოვნო სუნს იწვევს. ასეთ დროს, პრობლემა მილებს უკავშირდება. უნდა გვახსოვდეს, რომ სახლებში არსებული სანტექნიკა მიწისქვეშ გაყვანილ საკანალიზაციო სისტემის მთავარ არხს უკავშირდება სანიაღვრედან მილების გავლით.

სამზარეულოს მილის გაწმენდისთვის რამდენიმე ხერხი არსებობს:

• მილის გაწმენდა პლუნგერის გამოყენებით
• მილის გაწმენდა ცხელი წყლის მეშვეობით
• მილის გაწმენდა ქიმიური ნარევით
• მილის გაწმენდა სპეციალური ხელსაწყოს მეშვეობით

მილების წნევით გაწმენდა

წარსულში მილების გასაწმენდად გამოიყენებდნენ გრძელ, მოქნილ კაბელს, რომელიც მილში შეშვებისას გაჭედილ ნარჩენებს შლიდა. დღეს კი ასეთი შემთხვევებისთვის უფრო მოსახერხებელი და ეფექტური მეთოდი გამოიყენება, კერძოდ, კანალიზაციის წნევით გაწმენდა. მილების გაჭედვა ხშირად უკავშირდება იქ დაგროვებულ სხვადასხვა მასალასა თუ მყარ საგნებს, ესენი შეიძლება იყოს ცხიმი, ზეთი, ექსკრამენტები, თმა და ა.შ.

კანალიზაციის წნევით გასაწმენდად გამოიყენება მაღალი წნევის აპარატი, როგორც ტექნიკური, ასევე სანიტარული მიზნებისათვის. ეს მოწყობილობები ჩაკეტილი კანალიზაციის მონაკვეთების განბლოკვისთვის და ისეთი არასადრენაჟე პრობლემების გადასაჭრელადაა აუცილებელი, როგორიცაა სუნი და ნარჩენები. გარდა ამისა, არხების სახურავების დაზიანების შემთხვევაში აუცილებელია სწრაფი გაწმენდისა და სადეზინფექციო პროცედურები, მაგრამ მხოლოდ იმ შემთხვევაში, თუ არხები კარგად გაწმენდილია.

გაჭედილი უნიტაზის ამოტუმბვა

გაჭედილი უნიტაზი ერთ-ერთი ყველაზე უსიამოვნო მომენტია, რომელიც ამავდროულად მოულოდნელადაც იჩენს ხოლმე თავს. ამ პრობლემას ხშირად უნიტაზის ხანგრძლივი გამოყენება და დაბალი ხარისხი იწვევს. ძველი უნიტაზი ვერ ახერხებს ეფექტურად გაუმკლავდეს თუნდაც წვრილმან პრობლემებს. ხშირად, დაბალი ხარისხის უნიტაზებს არ აქვს აუცილებელი ინფრასტრუქტურა წყლის დრენაჟისა და გაწმენდისთვის, რაც იწვევს ხშირ გაჭედვას.

კანალიზაციის ჭის ამოტუმბვა

მილსადენიდან წყლის გვიან გადინება, დაგუბება ან გაჭედვა საკანალიზაციო სისტემის არხებში არსებული პრობლემისკენ მიანიშნებს. კანალიზაციის მილის გაჭედვა შეიძლება გამოიწვიოს უნიტაზის ნარჩენების, საშხაპის სანიაღვრეში არსებული თმისა და სამზარეულოს ნიჟარის სანიაღვრე მილში გაჭედილმა საჭმლის ნარჩენებმა. გარდა ამისა, სხვა უცხო საგნების მოხვედრაც იწვევს მსგავს პრობლემებს, რომელთა გამოსწორების გზა კანალიზაციის ჭის ამოტუმბვაა. აქვე, არ არის აუცილებელი, აღნიშნული მხოლოდ პრობლემის აღმოჩენისას გააკეთოთ. სასურველია, კანალიზაციის ჭა რეგულარულად ამოტუმბოთ მსგავსი უსიამოვნებების პრევენციისთვის.

შეჯამება

კანალიზაციის გაწმენდა უმეტესობა ჩვენგანს ერთხელ მაინც დასჭირდება. დღეს სანტექნიკოსთან დაკავშირება გაცილებით იოლია, ვიდრე ადრე, სანამ შესაბამისი სერვისები ონლაინ სივრცეში გახდებოდა ინტეგრირებული. მთავარია, თქვენთვის სანდო კომპანია შეარჩიოთ. გამოცდილი პროფესიონალი მილების გაჭედვით გამოწვეულ ნებისმიერ პრობლემას მარტივად მოაგვარებს.