დღეს, 7 თებერვალს, მიხეილ მესხის სახელობის სტადიონზე 2020 წლის რაგბი ევროპის ჩემპიონატის V ტურის (გადადებული) მატჩი გაიმართება, სადაც საქართველოს ეროვნული ნაკრები რუსეთს დაუპირისპირდება.
“დათვებისა” და “ბორჯღალოსნების” ურთიერთშეხვედრების ისტორია 1993 წლიდან იწყება, როდესაც გდანსკში მსოფლიო თასის შესარჩევი ეტაპის მატჩში რუსეთის ნაკრებმა 15:9 გაიმარჯვა.
28-წლიანი დაპირისპირების მანძილზე ეს რუსეთის ნაკრების ერთადერთი გამარჯვება აღმოჩნდა. მას შემდეგ “ბორჯღალოსნებმა” რუსეთთან 21 შეხვედრა მოიგეს, ერთადერთი გამონაკლისი კი 2002 წლის 3 მარტს, თბილისში, ფრედ დასრულებული შეხვედრა არის (12:12).
მატჩი 15:00 საათზე დაიწყება. სამწუხაროდ, კოვიდ-პანდემიით გამოწვეული შეზღუდვების გამო, მატჩს გულშემატკივარი ვერ დაესწრება.
პირდაპირი ტრანსლიაციის ხილვა ტელეკომპანია „იმედის“ და „რაგბი ტვ“-ის ეთერში შეგეძლებათ.
საქართველო
ხაზი: 15. დავით ნინიაშვილი (2 კეპი), 14. აკა ტაბუცაძე (7 კეპი, 30 ქულა), 13. თამაზ მჭედლიძე (60 კეპი, 35 ქულა), 12. მერაბ შარიქაძე (71 კეპი, 60 ქულა), 11. მირიან მოდებაძე (13 კეპი, 30 ქულა), 10. თედო აბჟანდაძე (20 კეპი, 118 ქულა), 9. ვასილ ლობჟანიძე (56 კეპი, 40 ქულა);
შერკინება: 1. ზურაბ ჟვანია (40 კეპი, 55 ქულა), 2. შალვა მამუკაშვილი (78 კეპი, 50 ქულა), 3. ბექა გიგაშვილი (18 კეპი, 5 ქულა), 4. ლაშა ჯაიანი (6 კეპი), 5. გიორგი ჯავახია (4 კეპი), 6. მიხეილ გაჩეჩილაძე (12 კეპი, 10 ქულა), 7. ბექა საღინაძე (17 კეპი, 15 ქულა), 8. თორნიკე ჯალაღონია (4 კეპი);
მარქაფა: 16. გიორგი ჭყოიძე (13 კეპი, 5 ქულა), 17. გიორგი ნუცუბიძე (უკეპო), 18. გიორგი მელიქიძე (22 კეპი, 10 ქულა), 19. დავით გიგაური (6 კეპი, 5 ქულა), 20. გიორგი თხილაიშვილი (60 კეპი, 60 ქულა); 21. გელა აფრასიძე (29 კეპი, 24 ქულა), 22. ლაშა ხმალაძე (85 კეპი, 53 ქულა), 23. დემე თაფლაძე (5 კეპი, 5 ქულა).
