ლამაზი და ემოციური დღე მოუწყო საქართველოს პედაგოგთა და მეცნიერთა თავისუფალი პროფკავშირის ოზურგეთის რაიონულმა ორგანიზაციამ იმ იუბილარ პედაგოგებს, რომლებსაც ნულოვანი დაბოლოებით შეუსრულდა საიუბილეო ასაკი.
გამოცდილი, ამაგდარი, მრავალჭირნახული მასწავლებლები, რომლებიც 50, 60, 70 და 80 წლის გახდნენ, რაიონული ორგანიზაციის თავმჯდომარემ, როზა გოგუაძემ , მასწავლბელთა პროკავშირის სახელით, ერთ მოკრძალებულ, თუმცა არც ისე ჩვეულებრივ ღონისძიებაზე მიიწვია.
70-მდე მასწავლებელი, დღის პირველ ნახევარში, შეკვეთილის დენდროლოგიურ პარკს ეწვია.
_ღმერთმა ნუ მოგიშალოთ მრგვალი თარიღები. ჩვენ ვართ სოციალური პარტნიორები. ვალდებული ვართ, გვერდით გედგეთ. ასეც ვიყავით სულ და ახლაც ასე ვართ, შესაძლებლობის ფარგლებში. საუკეთესო სურვილებით მოგესალებით. ბედნიერი იყავით თქვენი ოჯახებით, საყვარელი საქმით. ძალიან ბედნიერები კი იმით ხართ, რომ თქვენ მასწავლებლები გქვიათ! ეს თქვენი არჩევანია და ასე უფლის ნებითაც ხდება ყოველთვის! მუდამ წარმატებებს გისურვებთ! – მიმართა მასწავლებლებს პედაგოგთა პროფკავშირის რაიონული ორგანიზაიის თავმჯდომარემ ,ქალბატონმა როზა გოგუაძემ.
მეორე საჯარო სკოლის მასწავლებელი, მარინა ტაბიძე მასწავლებლებს მიესალმა და უთხრა, რომ წელიწადში ერთი დღე მაინც, ყოველთვის იგეგმება დამსახურებულ პედაგოგთა მიმართ პატივისცემის და მოკრძალებული დამოკიდებულების გამოსახატავად..
_დღევანდელი დღე შინაარსიანი და ლამაზია. შორეულ წარსულში დგვაბრუნა ქალბატონმა როზა გოგუაძემ. მას აქვს ძალიან დიდი გული, სიყვარულით და პატივისცემით სავსე. ეს ზის მასში და ჩემი და თქვენი სახელით, კიდევ ერთხელ დიდი მადლობა ამ დღისთვის, – ასე მიესალმა მასწავლებლებს მეოთხე საჯარო სკოლის ინგლისური ენის პედაგოგი ელიკო ბურჭულაძე.
ღონისძიების ორგანიზატორის, მეორე საჯარო სკოლის პედაგოგის , მარინა წულაიას თანადგომით, თითოეულ მასწავლებელს გადასცეს სამახსოვრო საჩუქარი. შემდეგ კი ქალბატონმა მარინამ მასწავლებლებს ფერადი ფურცლები ჩამოურიგა:
-იცით, ეს რატომ გადმოგეცით? სიტყვით გამოსვლით და ბევრი ლაპარაკით რომ არ დაგღალოთ, აქ მოკლედ დაწერეთ თქვენი განწყობის და დღევანდელი დღის ემოციის შესახებ. ავკინძავთ და შევინახავთ, – უთხრა მან მასწავლებლებს.
სამახსოვრო საჩუქრების გადაცემისას , ძალზე ემოციური, ცრემლიანი სიტყვა თქვა ბახვის საჯარო სკოლის ყოფილმა პედაგოგმა ლია ზაქარიაძემ:
-ხუთი წელია, პენსიაზე ვარ…კარგა ხანია და არც მეგონა თუ ვინმეს ვახსოვდი ან გამიხსენებდნენ…უდიდესი მადლობა, რომ დღეს ეს სიხარული მაჩუქეთ, _ თქვა მან .
საბოლოოდ მასწავლებლებმა , მათივე თქმით რომ ცოტა ხნით ბავშვობაში აბრუნდნენ, ფერად ფურცლებზე საკუთარი სურვილები დაწერეს და დათქმისამებრ, სამახსოვროდ გადასცეს ღონისძიების ორგანიზატორებს.
საღამოს გაიმართა მოკრძალებული და ლამაზი ვახშამი. ტორტი ყველაზე უხუცესმა პედაგოგმა გაჭრა. მუსიკალური გაფორმებაც გემოვნებით იყო შერჩეული _ სხვადასხვა სიმღერები ცოცხლად შეასრულს მუსიკის მასწავლბლებმა.
„ეს დღე თაიგულია და არ დაგვავიწდება. დიდი მადლობა უნდა მოვუხადოთ პედაგოგთა პროფკავშირული ორგანიზაციის ლიდერს, ქალბატონ მაია კობახიძეს. გავიმეორებ, რასაც ის ყოველთვის ამბობს : „მეამაყება ჩვენი დემოკრატიული წესდება და სტრუქტურული მოწყობა, იმიტომ რომ იერარქიის ყველაზე მაღალ საფეხურზე წევრები და პირველადი პროფკავშირული ორგანიზაციებია! მათთან მჭიდრო კომუნიკაცია ახალი იდეები და მიზნებია!
პირადად ჩემთვის, მასწავლებლებთან ყოველი ახალი შეხვედრა სტიმულია, ენერგია და მოტივაციაა!
თქვენთან, სიყვარული და პასუხისმგებლობაა, ურთიერთნდობა და ურთიერთპატივისცემაა, უფლებების დაცვის მაღალი კულტურა და პროფესიის ერთგულებაა! “ და ეს დრეც, ყოველივე აის გამოვლინებაა, – უთხრა პედგოებს მარინა წულაიამ.
_ზოგი არც ვიცნობთ ერთმანეთს. სხვადასხვა ასაკი, ხვადასხვა დროს მუშაობა სკოლებში. თუმცა ჩვენ ერთი დიდი მისია გვაერთიანებს – ეს არის ღირსეული მომავალი თაობის აღზრდა. მადლობის მეტი რა გვეთქმის, განტვირთვისთვის მშვენიერი დღეა. დაფასებისთვის კი დიდი მადლობა უნდა ვუთხრა პედაგოგთა პროფკავშირს, რაიონული ორგანიზაციის დაუცხრომელ ხელმძღვანელს, როზა გოგუაძეს, _ ღონისძიების დასარულს ასე გამოხატა ემოცია, მუსიკის პედაგომა, თავისი იშვიათი ვოკალით ცნობილმა დარეჯან სხვიტარიძემ.
ავტორი
