საქართველოში დღეიდან საარჩევნო კამპანია იწყება.
ამ დროისთვის ცესკოს მონაცემებით, პარლამენტში უმრავლესობის მოსაპოვებლად ბრძოლას 59 პარტია აპირებს, თუმცა,რეგისტრირებულ პარტიათა რიცხვი შეიძლება გაიზარდოს, რადგან პარტიებს, რომლებსაც ჰყავთ მათი წარდგენით არჩეული პარლამენტის წევრი, შესაძლებლობა ექნებათ პარლამენტის არჩევნებში მონაწილეობის უფლების მისაღებად, საარჩევნო რეგისტრაციისთვის მიმართონ ცესკოს, არჩევნების დანიშვნის შემდეგ, არჩევნების დღემდე არაუგვიანეს 57-ე დღისა.
ამ დროისთვის რეგისტრირებული პარტიების სია კი ასე გამოიყურება:
„ზვიადის გზა“ (ღმერთის, სიმართლისა და ქვეყნისათვის)- პარტიის თავმჯდომარე მიხეილ სალუაშვილი, „სოციალური სამართლიანობისათვის“- თავმჯდომარე მამუკა ტუსკაძე, „საქართველოს ერთობისა და განვითარების პარტია“-თავმჯდომარე ჯონდო ჯავახიშვილი, საქართველო“- თავმჯდომარე გიორგი ლილუაშვილი , „სოციალ-დემოკრატები საქართველოს განვითარებისათვის“-თავმჯდომარე გია ჟორჟოლიანი , „კანონი და სამართალი“-თავმჯდომარე თამარ ჩარკვიანი მინდობილი პირი მამუკა ცაავა , „ირაკლი ოქრუაშვილი – გამარჯვებული საქართველო“-თავმჯდომარე ირაკლი ოქრუაშვილი , “ახალი ძალა”- თავმჯდომარე ლაზარე ზაქარიაძე გენერალური მდივანი ალექსანდრე გახარია, “თამაზ მეჭიაური ერთიანი საქართველოსთვის”-თავმჯდომარე თამაზ მეჭიაური , რეფორმატორები-თავმჯდომარე დავით მიროტაძე, „გირჩი“-თავმჯდომარე იაგო ხვიჩია, “სახალხო პარტია”-თავმჯდომარე ივანე (მამუკა) გიორგაძე, ქართველ ნაციონალისტთა ერთობა – გაიოზ მამალაძე, მაია ნიკოლაშვილი, ბესარიონ ბოჭორიშვილი, -მეთაური გაიოზ მამალაძე „ჯონდო ბაღათურია – ქართული დასი“,-თავმჯდომარე ჯონდი ბაღათურია , საქართველოს კონსერვატიული (მონარქისტული) პარტია- თავმჯდომარე ირაკლი კობრავა, „ქართული ფესვები“-თავმჯდომარე თენგიზ ოქროპილაშვილი, საქართველოს სოციალ-დემოკრატიული პარტია-თავმჯდომარე ავთანდილ ველთაური, „საქართველოს ძალოვან ვეტერანთა და პატრიოტთა პოლიტიკური მოძრაობა”-თავმჯდომარე გია ბერძენიძე, “შეცვალე საქართველო”-თავმჯდომარე გიორგი გაგნიძე, ქრისტიან-დემოკრატიული მოძრაობა“ -თავმჯდომარე გრიგოლ ჯოჯუა, „ახალი ქრისტიან-დემოკრატები“-თავმჯდომარე ნიკოლოზ ჯოგლიძე, დავით ჭიჭინაძე – ტრიბუნა, „ევროპელი დემოკრატები“-თავმჯდომარე პაატა დავითაია , (პარტია) „თეთრები“-თავმჯდომარე თეიმურაზ შაშიაშვილი, „ზვიად ძიძიგური – საქართველოს კონსერვატიული პარტია“-თავმჯდომარე ზვიად ძიძიგური, მამულიშვილთა ორდენი „სამშობლო“-თავმჯდომარე გრიგოლი სოხაძე, ეკა ბესელია – პ.პ. „სამართლიანობისთვის“-თავმჯდომარე ეკა ბესელია, „არჩევანი სამშობლოსათვის“- თავმჯდომარე ლელა გულედანი , „გაჩეჩილაძე – მწვანეთა პარტია“-თავმჯდომარე გიორგი გაჩეჩილაძე , ნინო ბურჯანაძე – ერთიანი საქართველოდემოკრატიული მოძრაობა- თავმჯდომარე ნინო ბურჯანაძე, „ეროვნულ დემოკრატიული მოძრაობა“-თავმჯდომარე დავით შუკაკიძე, „მოძრაობა თავისუფალი საქართველოსთვის“- თავმჯდომარე ხათუნა ქოიავა, „იოსებ შატბერაშვილი, კახაბერ ძაგანია– მემარცხენე ალიანსი“, მომავალი საქართველო“-თავმჯდომარე გიორგი ლაღიძე, „საქართველოს ქრისტიან-კონსერვატიული პარტია“-თავმჯდომარე შოთა მალაშხია, „ლელო – მამუკა ხაზარაძე“, „ალეკო ელისაშვილი-მოქალაქეები“, „ბეჟან გუნავა – ქართული არჩევანი“, „თავისუფალი საქართველო (კახა კუკავა, გიორგი წულაია)“, „გიორგი ვაშაძე-სტრატეგია აღმაშენებელი” , „რეფორმერი“-თავმჯდომარე თორნიკე ჯანაშვილი , მოქალაქეთა პოლიტიკური გაერთიანება „ჩვენი საქართველო – სოლიდარობის ალიანსი“-თავმჯდომარე ბექა ნაცვლიშვილი, „საქართველოს პენსიონერთა უფლებათა დაცვის კავშირი“-თავმჯდომარე ირაკლი ნაცვლიშვილი , თავისუფლება-ზვიად გამსახურდიას გზა- თავმჯდომარე მალხაზი გორგასლიძე, ქართული იდეა-თავმჯდომარე ლევან ჩაჩუა, „ქართული მარში-ეროვნული მოძრაობა“-თავმჯდომარე ალექსანდრე ბრეგაძე, „პროგრესული საქართველო“-თავმჯდომარე ირაკლი მურცხვალაძე, მოქალაქეთა პოლიტიკური გაერთიანება „პროგრესი და თავისუფლება“-თავმჯდომარე ნიკოლოზ გვრიტიშვილი „შალვა ნათელაშვილი-საქართველოს ლეიბორისტული პარტია“, „მშრომელთა სოციალისტური პარტია“-თავმჯდომარე თამაზ ჯაფოშვილი, „ეროვნულ-დემოკრატიული პარტია (ედპ)“-თავმჯდომარე ბაჩუკი ქარდავა, „თავისუფალი დემოკრატები“-თავმჯდომარის მ/შ გენერალური მდივანი თამარ კეკენაძე, „საქართველოს ევროატლანტიკური გზა“- თავმჯდომარე შორენა გარდაფხაძე, მოძრაობა სახელმწიფო ხალხისთვის-თავმჯდომარე ნიკა მაჭუტაძე, „იბერიელთა ერთობა“-თავმჯდომარე გიორგი წიპტაური, „ჩვენი გაერთიანებული საქართველო“-თავმჯდომარე ისაკი გიორგაძე, „სერგო ჯავახიძე-ევროატლანტიკური ვექტორი“-თავმჯდომარე სერგო ჯავახიძე, „სახალხო მოძრაობა ქრისტიანდემოკრატები“-თავმჯდომარე ანა რეხვიაშვილი, „საქართველოს განვითარების პარტია“-თავმჯდომარე ქეთევან გოგოლაძე.
ცნობისთვის, ცესკოს რეგისტრაციის მოთხოვნით 68 პარტიამ მიმართა, ხოლო რეგისტრაციის ვადის ამოწურვის შემდგომ კიდევ 4-მა პარტიამ, საბოლოოდ ცესკომ რეგისტრაციაზე უარი 13 პარტიას უთხრა.
პარტიების დარეგისტრირების შემდეგ მათი რიგითი ნომერი განისაზღვრება არჩევნების დღემდე არაუგვიანეს 30-ე დღისა. საარჩევნო სუბიექტის რიგითი ნომრის განსაზღვრის მიზნით სათანადო პროცედურები ტარდება შესაბამისი საარჩევნო კომისიის შენობაში, საარჩევნო კომისიის სხდომებზე დასწრების უფლების მქონე პირთა თანდასწრებით.
იმ საარჩევნო სუბიექტს/სუბიექტობის კანდიდატს, რომელმაც ბოლო საერთო პროპორციული წესით ჩატარებულ არჩევნებში ხმების 0,75% ან 0,75%-ზე მეტი მიიღო, უფლება აქვს, არჩევნებამდე არაუგვიანეს 57-ე დღისა მიმართოს შესაბამის საარჩევნო კომისიას და მოითხოვოს არჩევნებში იმ რიგითი ნომრით მონაწილეობა, რომელიც მას ბოლო საერთო არჩევნების დროს ჰქონდა მინიჭებული.
პარტიის/საარჩევნო ბლოკის მიერ წარდგენილ მაჟორიტარ კანდიდატს აქვს იგივე რიგითი ნომერი, რომელიც მის წარმდგენ პარტიას/საარჩევნო ბლოკს აქვს მინიჭებული.
საქართველოს პრეზიდეტმა საპარლამენტო არჩევნების ჩატარების შესახებ განკარგულება გუშინ გამოსცა. კონსტიტუციის შესაბამისად, პარლამენტის არჩევნები 2020 წლის 31 ოქტომბერს გაიმართება.
შეგახსენებთ, რომ ოქტომბერში დაგეგმილი საპარლამენტო არჩევნებში პარტიული სიით 77-ის ნაცვლად 120 დეპუტატს აირჩევენ, მაჟორიტარი კი 73-ის ნაცვლად მხოლოდ 30 იქნება. ცვლილება ასევე საარჩევნო ბარიერს ეხება, რომელიც 5%-იდან 1%-მდე იწევს.
კანონპროექტის მიხედვით, 30 მაჟორიტარული ოლქიდან 12 დასავლეთ, 18 კი აღმოსავლეთ საქართველოში იქნება.
ამავე თემაზე:
საპარლამენტო არჩევნები_ რომელ პარტიებს ეთქვათ უარი რეგისტრაციაზე
