2022 წელს ახალ სასწავლო წელს ოზურგეთის მუნიციპალიტეტის ოთხი საჯარო სკოლის აშენება დაიწყება. ოზურგეთის საგანმანათლებლო რესურსცენტრში უფროსის ლელა იმედაშვილის თქმით, უკვე ყველა დეტალი ცნობილია.
“წელს, ოზურგეთის მუნიციპალიტეტის ხუთი საჯარო სკოლის მოსწავლეები და პედაგოგები სხვა ალტერნატიულ ფართში იწყებენ ახალ სასწავლო წელს. ამ ზაფხულს იყო ჩამოსული სამხარეულის ექსპერტიზის ბიუროს თანამშრომლები. მათი შეფასება იყო ის, რომ ზემო ნატანების, მთისპირის, ჯუმათის, მელექედიროს და ანასეულის #5 საჯარო სკოლის არსებულ შენობებში ვეღარ გააგრძელებდნენ სასწავლო პროცესს, მძიმე მდგომარეობიდან გამომდინარე. ყველა მათგანი სასწავლო პროცესს მეზობელ სოფლის სკოლებში გააგრძელებენ. უკვე დაიწყო #5 სკოლის აუდიტის შეფასება, რადგან სწრაფ ტემპში დაიწყოს ახალი შენობის აშენება. ახალი სკოლა აშენდება ასევე სოფელ ასკანაში უკვე მიმდინარეობს მიწის გამოყოფის და დაზუსტების პროცედურა, ასევე ახალი სკოლის შენობები აშენდება ზემო ნატანებში და სოფელ ჯუმათში. რაც შეეხება მელექედურს აქ შენობა ექვემდებარე რეაბილიტაციას და მალე დაიწყება შენობის სარეაბილიტაციო სამუშაოები,“ – გვითხრა ლელა იმედაშვილმა.
ავტორი
